ગુજરાતમાં આ શહેરની સિવિલ હોસ્પિટલમાં ઓક્સિજન ન મળતાં પાંચ થી વધુ દર્દીઓના મૃત્યુ થતા લોકોમાં ફફડાટ

હિતેશ સોનગરા: સમગ્ર ગુજરાતમાં કોરોના વાયરસની બીજી લહેરે હાહાકાર મચાવી દીધો છે કોરોના વાયરસના સંક્રમણ ના દર્દીઓમાં વધારો થતાં હોસ્પિટલમાં ઓક્સિજનની અછત સર્જાઈ છે ગુજરાતમાં ઓક્સિજનની અછતના કારણે દર્દીઓના મોત થઈ રહ્યા છે. જ્યારે આજે ડીસા સિવિલ હોસ્પિટલમાં દર્દીઓને સમયસર ઓકસીજન ન મળતા પાંચ થી વધુ દર્દીઓના મોત નીપજ્યાં હોવાના અહેવાલ પ્રાપ્ત થઈ રહ્યા છે.

ડીસા શહેરમાં છેલ્લા ઘણા સમયથી બનાસકાંઠા જિલ્લાનું વહીવટીતંત્ર દ્વારા રેમડેસિવિર ઇન્જેકશન, ઓક્સિજન બેડ , વેન્ટિલેટર લઈને અનેક દાવાઓ કરવામાં આવી રહ્યા છે પરંતુ સરકાર પાસે ઓક્સિજન પૂરતા પ્રમાણમાં ના હોય તેની પોલ ખૂલી ગઈ છે. ડીસા સિવિલ હોસ્પિટલમાં સવારથી સાંજ સુધીમાં પાંચથી વધુ દર્દીઓના ઓક્સિજન ન મળવાથી મૌત થયા છે. દર્દીઓના સગાઓ દ્વારા ડીસા સિવિલ હોસ્પિટલમાં હંગામો મચાવતા પોલીસ ઘટનાસ્થળે દોડી આવી પોલીસ બંદોબસ્ત ગોઠવી દેવામાં આવ્યો હતો અને હોસ્પિટલના ગેટ બંધ કરી દેવામાં આવ્યા હતા.

ડીસા શહેરમાં થોડા દિવસ પહેલા ખાનગી હોસ્પિટલમાં પાંચ દદીઓના મુત્યુ થયા હતા જે બાદ આજે ફરીથી ડીસાની સરકારી સિવિલ હોસ્પિટલમાં પાંચથી વધુ દર્દીઓ ના મૃત્યુ થતા સમગ્ર ડીસા શહેરમાં ભયનો માહોલ જોવા મળી રહ્યો છે.