જાણો એવું તો શું થયું કે, પોલીસ કોન્સ્ટેબલને ભર બજારે દોડાવી દોડાવીને માર્યો માર- જુઓ વિડીયો

હાલમાં કોરોના વચ્ચે એક વિડીયો ખુબ જ  વાઈરલ થઈ રહ્યો છે. જેમાં પોલીસ કોન્સ્ટેબલને ભર બજારે દોડાવી દોડાવીને માર મારવામાં આવી રહ્યો છે. આ વીડિયો ઘણાં સોશિયલ મીડિયા પ્લેટફોર્મ પર સતત વાયરલ થઈ રહ્યો છે. જેમાં ઘણા લોકો દોડીને કોન્સ્ટેબલને માર મારતા હોય છે. પોલીસકર્મીને મારવામાં મહિલાઓ પણ શામેલ છે.

પોલીસ કોન્સ્ટેબલને માર મારવાનો આ વીડિયો વાયરલ થયા બાદ પોલીસ એક્શનમાં આવી ગઈ હતી. તપાસમાં જાણવા મળ્યું કે, આ વીડિયો દિલ્હીના ખ્યાલા વિસ્તારનો છે. ખરેખર, પશ્ચિમ દિલ્હીના ખ્યાલા વિસ્તારમાં પીસીઆર કોલ થતાં પોલીસ ઘટના સ્થળે પહોંચી હતી.

જ્યાં દિલ્હી પોલીસના હેડ કોન્સ્ટેબલ રામને માર મારવામાં આવ્યો હતો. પહેલા તો પોલીસ કોન્સ્ટેબલે લોકો સાથે વાતચીત કરી હતી. અને ત્યાર બાદ બોલાબલી શરુ થઈ ગઈ હતી જેના કારણે કેટલા લોકો તેને માર મરવા લાગ્યા હતા.

થોડી વારમાં મામલો ઝગડા સુધી પહોચી ગયો હતો. આરોપ છે કે, આ પછી કેટલાક લોકો દોડી આવ્યા હતા અને કોન્સ્ટેબલને માર માર્યો હતો. પોલીસકર્મીને મારવામાં મહિલાઓ પણ શામેલ હતી. પોલીસે આ મામલે તાત્કાલિક કાર્યવાહી હાથ ધરી છે. આ મામલે ગુનો નોંધીને પોલીસે કુલ 8 લોકોની ધરપકડ કરી છે. જેમાં 2 મહિલાઓનો સમાવેશ થાય છે.