November 15, 2024
સોશિયલ મીડિયા પર અવારનવાર કેટલાંક અજીબોગરીબ વિડીયો સામે આવતા હોય છે ત્યારે હાલમાં પણ આવા જ એક વિડીયોને લઈ જાણકારી સામે આવી છે. દેશમાં કોઈપણ સમસ્યાનું સામાન્ય તથા તાત્કાલિક સમાધાન તો ‘જુગાડ’ જ છે. કેટલાંક લોકો પોતાના રોજિંદા કામો તેમજ પોતાના શોખમાં જુગાડથી જ કામ ચલાવતા હોય છે.
જેને લીધે કોઈપણ કામ આસાનીથી તેમજ ખુબ ઝડપથી પૂર્ણ થઇ જતું હોય છે. હાલમાં આવો જ એક વીડિયો સોશિયલ મીડિયા પર વાયરલ થયો છે કે, જેમાં દાઢી કરવા માટે રેઝર ન મળતાં છેવટે કાકાએ જુગાડ લગાવીને કામચલાઉ રેઝરથી દાઢી કરી રહ્યા છે.
આ વીડિયોમાં જોવા મળી રહ્યું છે કે, એક કાકા કામચલાઉ રેઝર બનાવીને તેનાથી દાઢી કરી રહ્યા છે. કાકાએ આ રેઝર એક નાની લાકડી તથા દોરીમાંથી બનાવી છે. જેમાં 2 નાની સળીઓ V શેપમાં એકબીજાની સાથે જોડાયેલ છે કે, જેનાથી તેનો ઉપયોગ કરવો સરળ થઇ જાય.
Trending News
જયારે બ્લેડ મૂકવાને બદલે દોરાને એક પછી એક એમ કેટલાંક લેયરમાં સેટ કરવામાં આવ્યો છે કે, જેનાથી દાઢી કરી શકાય.જો કે, આ વીડિયોમાં જોવા મળતા કાકા ક્યાં રહે છે તેમજ કોણ છે તે અંગે હજુ સુધી કોઈ પુષ્ટિ થઈ શકી નથી. અહીં નોંધનીય છે કે, આ વીડિયોમાં જોવા મળેલ ટેક્નિક નવી છે પણ જુગાડથી કામ કરવું ભારતીયોની માટે ખુબ સામાન્ય વાત છે.
આની પહેલા પણ અન્ય એક વ્યક્તિનો વીડિયો વાયરલ થયો હતો કે, જેમાં તેઓ એક નવી ટેક્નિકથી પોતાના વાળ કાપી રહ્યા હતા. જો કે, નવાઈની વાત એ છે કે, વાળ કાપવા માટે તેમણે કોઈ ટ્રીમર અથવા તો કાતરની મદદ લીધી ન હતી. આ વીડિયોમાં જોઈ શકાય છે કે, તેમણે વાળ કાપવા માટે એક કાસકો, બ્લેડ તથા કલીપની મદદથી પોતાના વાળ આસાનીથી કાપ્યા હતા.
This is some next level jugaad ??♂️ pic.twitter.com/koNq5DildI
— Anup Kaphle (@AnupKaphle) May 17, 2020
આની સાથે જ જૂના ન્યૂઝ પેપરની મદદથી એપ્રોન પણ બનાવ્યું હતું. વીડિયોમાં જોવા મળી રહ્યું છે કે, તેઓ એક ક્લિપની મદદથી બ્લેડને કાસકાની સાથે અટેચ કરી દે છે. ત્યારપછી તેઓ કાસકાને પોતાના વાળ પર ફેરવે છે, તેમ વાળ કપાય છે. આ સમયે દેશમાં સલૂન બંધ હોવાથી કેટલાંક લોકો ઘરે વાળ કાપવા લાગ્યા હતા. આ દરમિયાન લોકો એક બીજાને વાળ કાપી આપતા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.