એકના એક દીકરાના લગ્નની તૈયારીઓ ચાલુ હતી અને સામે આવીને ઉભું રહ્યું મોત- જાણો ગોંડલની રુવાડા ઉભા કરી દેતી ઘટના

તાજેતરમાં ગોંડલના શ્રીરામ બિલ્ડર્સવાળા મનસુખભાઇ નાગજીભાઇ ચૌહાણના એકના એક પુત્ર અજય ચૌહાણનું ગઇકાલે બપોરે ઇલેક્ટ્રિક શોક લાગવાથી દુઃખદ મોત નીપજ્યું હતું. આ ઉપરાંત જાણવા મળ્યું છે કે, અજયના લગ્ન પણ દિવાળી પછી હતા. જેથી પરિવારે લગ્નની તૈયારીઓ પણ ચાલુ કરી દીધી હતી.

પરંતુ કુદરતને કંઇક અલગ જ મંજુર હોય તેમ અજયને પોતાની પાસે બોલાવી લેતા પરિવારજનોને મોટો આઘાતમાં લાગ્યો છે. આ ઉપરાંત પિતાની ઇચ્છા મુજબ અજયના પાર્થિવદેહને વરરાજાની જેમ તૈયાર કરી સ્મશાનયાત્રા કાઢવામાં આવી હતી. બહેને પણ ચોધાર આંસુ સાથે ભાઇની પીઠી ચોળી ભારે હૈયે વિદાય આપી હતી.

પિતા મનસુખભાઇની ઈચ્છા મુજબ બ્રાહ્મણને બોલાવી અજયને નવડાવીને વરરાજાની જેમ તૈયાર કરવામાં આવ્યો હતો. તેમજ હાથમાં મીંઢળ બાંધી બહેનએ પીઠી ચોળી ગુલાબના ફુલનો હાર પણ પહેરાવ્યો હતો. અતર છાંટીને એકદમ વરરાજાની જેમ તૈયાર કર્યા બાદ તેની સ્મશાનયાત્રા કાઢવામાં આવી હતી.