નરદેવબાપાની 66મી દીક્ષાતિથિ નિમિત્તે નેત્રંગ કોવિડ-19 કેર સેન્ટરમાં પાંચ ઓક્સિજન રેગ્યુલેટર કીટનું દાન

કોરોનાની બીજી લહેરે સમગ્ર દેશમાં તાંડવ મચાવ્યો છે. બીજી લહેર એટલી ઘટક સાબિત થઇ છે કે કોરોનાગ્રસ્ત દર્દીઓને હોસ્પીટલમાં બેડ નહોતા મળી રહ્યા તો કેટલાય દર્દીઓને ઓક્સીજન પણ નહોતો મળી રહ્યો. જેને લીધે કેટલાય પરિવારજનોને પોતાના સ્વજ્જનો ગુમાવવાનો વારો આવ્યો છે.

ત્યારે કોરોનાની બીજી લહેરમાં દર્દીઓને મુખ્યત્વે ઓક્સિજન લેવલ ઘટી જવાનું પ્રમાણ ખૂબ વધી ગયું છે. ત્યારે નેત્રંગ સામુહિક આરોગ્ય કેન્દ્રમાં 10 ઓક્સિજન બેડ સાથે કોવિડ 19 કેર સેન્ટર શરૂ કરવામાં આવ્યું છે. જેમાં ગ્રામ્ય વિસ્તારમાંથી દર્દીઓનું ઓક્સિજન લેવલ ઓછું થઈ જવાની મુશ્કેલી સર્જાતી હોય પરંતુ વધુ ઓક્સિજન રેગ્યુલેટરની સગવડ નહિ હોવાથી રીફર કરવામાં આવતા હતા. ત્યારે નેત્રંગ સીએચસીમાં રોગી કલ્યાણ સમિતિના સભ્યએ નરદેવબાપાના 66માં દીક્ષા દિવસે નેત્રંગ કોવિડ-19 કેર સેન્ટરમાં સંપૂર્ણ ઓક્સિજનની 5 રેગ્યુલેટર કિટનું વિતરણ માતા પિતાના હસ્તે કરવામાં આવ્યુ હતું.

કોરોના મહામારીના કેટલાય પરિવારજનોને પોતાના સ્વજ્જનો ગુમાવવાનો વારો આવ્યો છે. દર્દીઓને હોસ્પીટલમાં બેડ ન મળવાને કારણે અને ઓક્સીજનના અભાવને કારણે કેટલાય દર્દીઓ તડપી તડપીને મરી રહ્યા છે. આચાર્ય નરદેવસાગરસુરીશ્વર મ.સા બાપાના 66માં દીક્ષાના આજના દિવસે તા.15-05-2021 નેત્રંગ સામુહિક આરોગ્ય કેન્દ્રના રોગી કલ્યાણ સમિતિના સભ્ય અતુલકુમાર બાલુભાઈ પટેલ દ્વારા તેમના માતા લીલાબેન ,પિતા બાલુભાઈ, પુત્રી વિશ્વા ,પુત્ર વ્રજ અને મનસુખ વસાવા નેત્રંગ તાલુકા બીજેપી પ્રમુખની આગેવાનીમાં સામુહિક આરોગ્ય કેન્દ્ર ખાતે સરકારી દવાખાનામાં ચાલતા કોવિડ-19 કેર સેન્ટરમાં 5 ઓક્સિજન રેગ્યુલેટર કીટ ડો.દામિની પાટીલ સીએચસી નેત્રંગ, ડો.અલ્પના નાયર ટીડીઓ નેત્રંગ અને પ્રિતશ પટેલ તાલુકા હેલ્થ સુપરવાઈઝરને અર્પણ કરવામાં આવી હતી.