પુરપાટ ઝડપે આવી રહેલ ટ્રેનની સામે યુવકે મહિલાને મારી દીધો ધક્કો અને પછી…- વિડીયો જોઇને શ્વાસ થંભી જશે

બેલ્જિયમ(Belgium)ની રાજધાની બ્રસેલ્સ(Brussels)માં એક ચોંકાવનારી ઘટના સામે આવી છે. અહીં મેટ્રો સ્ટેશન પર, એક મૂર્ખ માણસે પ્લેટફોર્મ પરથી એક મહિલાને ચાલતી મેટ્રો ટ્રેન(Metro train)ની સામે ટ્રેક પર ધક્કો મારી દીધો. જોકે, સતર્ક મેટ્રો ડ્રાઈવરે છેલ્લી ઘડીએ ઈમરજન્સી બ્રેક લગાવીને મહિલાનો જીવ બચાવ્યો હતો. આ સમગ્ર ઘટનાનો વીડિયો ત્યાં લગાવેલા સીસીટીવી કેમેરા(CCTV video)માં કેદ થયો છે.

 

View this post on Instagram

 

A post shared by Trishul News (@trishulnews)

રોજિયર મેટ્રો સ્ટેશનની ઘટના:
ઘટના રોજિયર મેટ્રો સ્ટેશનની છે. વીડિયોમાં જોવા મળી રહ્યું છે કે પ્લેટફોર્મ પર એક યુવક ઘણા સમયથી અહીં-તહીં ફરતો હતો. મેટ્રો ટ્રેન આવવાનો સમય થતાં જ તે દોડતો આવ્યો અને રેલવે ટ્રેક પર પ્લેટફોર્મ પર ઉભેલી મહિલાને આગળ ધક્કો માર્યો. સદનસીબે ડ્રાઈવરે ઈમરજન્સી બ્રેક લગાવી જેના કારણે મહિલાનો જીવ બચી ગયો.

ઘટના બાદ આરોપી ફરાર થઈ ગયો હતો:
તે જ સમયે, મહિલાને ધક્કો માર્યા બાદ આરોપી યુવક ત્યાંથી ભાગવામાં સફળ રહ્યો હતો. જોકે, અન્ય મેટ્રો સ્ટેશન પર હત્યાના પ્રયાસના આરોપમાં તેની ધરપકડ કરવામાં આવી છે. આ ઘટના બાદ મહિલા અને મેટ્રો ડ્રાઈવર બંને આઘાતમાં હતા. બંનેને હોસ્પિટલમાં લઈ જવામાં આવ્યા, જ્યાં તેમની સારવાર શરૂ કરવામાં આવી છે. તેને જલ્દી ઘરે મોકલી દેવામાં આવશે.