યાત્રાધામ અંબાજીમાં દારૂની રેલમછેલ થી જનતા પરેશાન, ખુલ્લે આમ દારૂડિયાઓ કરે છે મહિલાની છેડતી અને…

ગુજરાત (Gujarat)માં દારૂબંધી(Prohibition of alcohol) હોવા છતાં પણ અવાર નવાર ખુબ જ મોટા પ્રમાણમાં દારુ ઝડપાતો રહે છે. ત્યારે હાલ તો ગુજરાતના પવિત્ર યાત્રાધામ એવા અંબાજી (Ambaji)માં દારૂની ધૂમ જોવા મળી રહી છે. દેશવિદેશમાં વિખ્યાત એવા અંબાજી ધામમાં દરરોજ માઁ અંબાનાં દર્શન કરવા હજારો-લાખોની સંખ્યામાં માઇભક્તો આવતા હોય છે. એવામાં જાણે પોલીસનો કોઈ ડર હોય જ નહિ, તેવી રીતે દેશી અને વિદેશી દારૂ (alcohol)ના અડ્ડાઓ ચાલી રહ્યા છે.

પવિત્ર યાત્રાધામમાં ધમધમી રહ્યા છે દારૂ ના અડ્ડા! દારૂડિયાઓ લોકો ને કરે છે હેરાનગતિ,અડ્ડા બંધ કરાવે તેવી લોક માંગ…#gujarat #banaskantha #અંબાજી #alcohol #અડ્ડા #trishulnews pic.twitter.com/Ca9rsBnczr

— Trishul News (@TrishulNews) October 15, 2022

દારૂડિયાઓ આવીને ગાળો બોલે છે અને છેડતીઓ કરે છે:
ત્યારે આ અંગે અંબાજીમાં વેપાર કરતા વેપારીએ જણાવ્યું હતું કે, બજારમાં બસ સ્ટેશનની પાછળ દારૂનું ખુલ્લેઆમ વેચાણ થાય છે, જેનાથી વેપારીઓ પણ પરેશાન છે અને અહીંની સ્થાનિક મહિલાઓ પણ પરેશાન છે. દારૂડિયાઓ આવીને ગાળો બોલે છે અને છેડતીઓ કરે છે, એવી પરિસ્થિતિઓને કારણે ખૂબ જ તકલીફો થાય છે. જેથી મહેરબાની કરીને દારૂની આ પરિસ્થિતિ જે વસણેલી છે એ વિશે પોલીસને વિનંતી છે કે એના પર કાબૂ લાવે.

રોજની 5થી 6 મહિલા દારૂ વેચે છે:
વધુ એક વેપારીએ આ અંગે કહ્યું હતું કે, ખુલ્લેઆમ થઈ રહેલા આ દારૂના વેચાણને કારણે દરેક લોકો પરેશાન થઈ રહ્યા છે. દારૂડિયાઓ અહિયાં દારુ પીને ગાળાગાળી કરે છે, તેમજ અહીં મારફાડ ખૂબ જ થાય છે.દારૂડિયા એટલા હેરાન કરે છે કે દૂકાનની આગળ જ વેચવા આવી જાય છે, જેનાથી અમે કંટાળી ગયા છીએ, જેમાં લગભગ રોજની 5થી 6 મહિલા દારૂ વેચે છે એની ફરિયાદ કરી છે પણ નોંધ થતી નથી. હાલ તો આનો કોઈ ઉપાય આવે તેવું ઇચ્છીએ છીએ.