વહુને બચાવવા જતા સસરા અને દાદી સાસુને પણ કરંટ લાગ્યો, ત્રણેય લોકોના મોત Trishul News

આજ રોજ નવસારીના ચીખલીના એક ગામે ગોઝારી ઘટના બની છે. નવસારીના ચીખલીના ખૂંધ ગામે કરંટ લાગતા એક જ પરિવારના ત્રણ લોકોના કરુણ મોત નિપજ્યાં છે.

મળતી માહિતી અનુસાર, ખૂંધ ગામે પટેલ પરિવારની વહુ કલ્પના પટેલ કપડા સૂકવવા માટે ઘરની બહાર ગયા હતા. ત્યારે તેઓને અચાનક કરંટ લાગ્યો હતો. ત્યારે તેઓને બચાવવા ગયેલા સસરા બચુભાઈને કરંટ લાગ્યો હતો. તો સાથે જ બંનેને બચાવવા ગયેલા દાદી સાસુ લલીબેન પટેલને પણ કરંટ લાગ્યો હતો.

એક સાથે પરિવારમાં 3 વ્યક્તિના મોત થતા આખું ગામ હિબકે ચડ્યું હતું. એકસાથે ત્રણેય લોકોને કરંટ લાગતા ત્રણેયના મોત થયા છે. તમામના મૃતદેહોને પોસ્ટમોર્ટમ માટે હોસ્પિટલમાં ખસેડાયા હતા. ચીખલી પોલીસ ઘટના સ્થળ પર પહોચી અને વધુ તપાસ હાથ ધરી છે.