ડાયાબીટીસ ધરાવતા દર્દીઓ માટે ઝેર સમાન છે પાલક- જાણો તેનાથી થતા અનેક નુકશાન વિષે…

પાલકને પોષક તત્વોનું પાવર હાઉસ માનવામાં આવે છે. તેમાં ઘણા પૌષ્ટિક તત્વો મળી આવે છે, જેના કારણે ઘણા લોકો તેને પોતાના રોજિંદા આહારમાં સામેલ કરે છે. આ સિવાય પાલક ઓક્સિડેટીવ તણાવને ઓછો કરીને હાડકાંને મજબૂત બનાવવામાં પણ મદદ કરે છે. પરંતુ, કેટલીક સમસ્યાઓમાં તમારે પાલકનું સેવન ટાળવું જોઈએ. નિષ્ણાતોના મતે પાલકનો ઓવરડોઝ સ્વાસ્થ્ય માટે હાનિકારક પણ હોઈ શકે છે. ચાલો જાણીએ કે, જો આપણે પાલક વધારે માત્રામાં ખાઈએ તો શું થઈ શકે છે અને કયા લોકોએ તેનું સેવન ટાળવું જોઈએ.

– પાલકમાં કેલ્શિયમનું પ્રમાણ પૂરતું હોય છે અને કેલ્શિયમનું વધુ પડતું સેવન હૃદય રોગનું કારણ બની શકે છે.
– તેમાં ફાઈબરનું પ્રમાણ હોય છે, જેનું વધુ પડતું સેવન પેટનું ફૂલવું અને પેટમાં ખેંચાણ થઈ શકે છે.
– પાલકમાં હાજર બીટા કેરોટીન ધૂમ્રપાન કરતા લોકોમાં કેન્સરનું જોખમ વધારી શકે છે.

– પાલકમાં પોટેશિયમ ભરપૂર માત્રામાં જોવા મળે છે અને પોટેશિયમની વધુ માત્રાથી ઉલ્ટી, ઝાડા થઈ શકે છે.
– જે લોકોને કિડની સંબંધિત બીમારીઓ છે તેઓને પાલકનું સેવન કરવાથી દૂર રહેવાની સલાહ આપવામાં આવે છે. ખાસ કરીને કિડનીની પથરીથી પીડિત લોકોને ઓક્સાલેટ અને પોટેશિયમથી ભરપૂર પાલકથી દૂર રહેવાનું કહેવામાં આવે છે.

પાલકમાં ઘણા પ્રકારના વિટામીન વિપુલ પ્રમાણમાં હોય છે, જે લોહીને પાતળું કરવાની દવાઓ સાથે પ્રતિક્રિયા આપે છે. તેથી, જો તમે લોહીને પાતળું કરવા દવાઓ લેતા હોવ, ડાયાબિટીસ ધરાવતા હોવ અથવા કિડનીમાં પથરી થવાની સંભાવના હોય, તો તમારે પાલક ખાવાનું ટાળવું જોઈએ.