PM મોદી એવું તો શું બોલી ગયા કે, ભાવુક થઇને રડી પડ્યા ઉપરાષ્ટ્રપતિ -જુઓ વિડીયો

ઉપરાષ્ટ્રપતિ (Vice President) અને રાજ્યસભાના અધ્યક્ષ એમ વેંકૈયા નાયડુને (M. Venkaiah Naidu) સોમવારે રાજ્યસભામાં વડા પ્રધાન નરેન્દ્ર મોદી (PM Narendra Modi) અને અન્ય ટોચના નેતાઓની હાજરીમાં વિદાય આપવામાં આવી હતી. આ વિદાય સમારંભમાં વડાપ્રધાન નરેન્દ્ર મોદી અને તમામ સાંસદો, અન્ય ટોચના નેતાઓ હાજર રહ્યા હતા. હાજર દરેક લોકો ભાવુક દેખાતા હતા. ઉપરાષ્ટ્રપતિની વિદાય પ્રસંગે વડાપ્રધાન મોદીએ વિદાય ભાષણ આપ્યું હતું. પીએમ મોદીએ કહ્યું કે અમે બધા રાજ્યસભાના અધ્યક્ષ વેંકૈયા નાયડુનો કાર્યકાળ પૂરો થવા પર તેમનો આભાર માનવા માટે અહીં છીએ.

વડાપ્રધાન મોદીએ વધુમાં કહ્યું કે, “આ ગૃહ માટે ખૂબ જ ભાવનાત્મક ક્ષણ છે. ગૃહની ઘણી ઐતિહાસિક ક્ષણો તમારી ઉમદા ઉપસ્થિતિ સાથે જોડાયેલી છે. ઉપરાષ્ટ્રપતિ વેંકૈયા નાયડુએ હંમેશા યુવાનો માટે કામ કર્યું. તેમણે યુવાનોને માર્ગદર્શન આપ્યું.” પીએમએ તેમના વિદાય સમારંભમાં ઉપરાષ્ટ્રપતિ વેંકૈયા નાયડુના પુસ્તકોનો પણ ઉલ્લેખ કર્યો હતો. તેમણે કહ્યું કે તમારા પુસ્તકો યુવાનોને પ્રેરણા આપતા રહેશે. “ઉપરાષ્ટ્રપતિ વેંકૈયા નાયડુ હંમેશા દેશના યુવાનોને માર્ગદર્શન આપે છે. મેં તમને દરેક ભૂમિકામાં ખૂબ નજીકથી જોયા છે,”

Addressing the Rajya Sabha. https://t.co/moQCcpqQQP

— Narendra Modi (@narendramodi) August 8, 2022

પીએમે તેમના ભાષણમાં આગળ કહ્યું, “ઉપરાષ્ટ્રપતિ વેંકૈયા નાયડુના અનુભવોથી દેશને લાભ મળતો રહેશે. અમારા જેવા જાહેર જીવનના ઘણા કાર્યકરોને પણ તે મળતું રહેશે. તમે બધી ભૂમિકાઓ સારી રીતે ભજવી.” પીએમ મોદીએ કહ્યું કે, “આ વખતે અમે એવા સ્વતંત્રતા દિવસની ઉજવણી કરી રહ્યા છીએ, જ્યારે દેશના રાષ્ટ્રપતિ, ઉપરાષ્ટ્રપતિ, રાષ્ટ્રપતિ અને વડાપ્રધાન એવા તમામ લોકો છે જે સ્વતંત્ર ભારતમાં જન્મ્યા છે અને તે બધા ખૂબ જ સામાન્ય પૃષ્ઠભૂમિના છે.”