November 18, 2024
EPFOએ હાલમાં જ પેન્શનધારકો(Pensioners)ને મોટી રાહત આપી છે. હવે લાઈફ સર્ટિફિકેટ (Life Certificate Submitted) કરવાની કોઈ છેલ્લી તારીખ નથી. EPFOએ સમયમર્યાદાની શરત હટાવી દીધી છે. હવે પેન્શનરો આખા વર્ષ દરમિયાન કોઈપણ સમયે લાઈફ સર્ટિફિકેટ એટલે કે પોતાનું જીવન પત્ર સબમિટ કરી શકે છે, જે આગામી એક વર્ષ માટે માન્ય રહેશે.
પ્રમાણપત્ર એક વર્ષ માટે માન્ય રહેશે:
પેન્શનરોને દર વર્ષે જીવન પ્રમાણપત્ર સબમિટ કરવું પડે છે. આમ ન કરવાથી પેન્શન ઉભું રહી જવાનો ખતરો રહે છે. EPFOએ તાજેતરમાં ‘આઝાદી કા અમૃત મહોત્સવ’ હેઠળ જણાવ્યું છે કે EPS 95ના પેન્શનધારકો કોઈપણ સમયમર્યાદા વિના વર્ષના કોઈપણ સમયે તેમનું જીવન પ્રમાણપત્ર સબમિટ કરી શકે છે. આ પ્રમાણપત્ર સબમિટ કર્યાની તારીખથી આગામી એક વર્ષ માટે માન્ય રહેશે. એટલે કે, જો કોઈ પેન્શનર 15 એપ્રિલ 2022 ના રોજ તેનું જીવન પ્રમાણપત્ર સબમિટ કરે છે, તો ત્યાર પછી તેણે 15 એપ્રિલ 2023 પહેલા ગમે ત્યારે જીવન પ્રમાણપત્ર સબમિટ કરવું પડશે.
આ કર્મચારીઓને મળશે રાહત:
EPS 95ની આ યોજના હેઠળ ખાનગી ક્ષેત્રના કર્મચારીઓને પેન્શનનો લાભ મળે છે. EPFOએ ડિસેમ્બર 2019 માં આવા કર્મચારીઓ માટે જીવન પ્રમાણપત્ર સબમિટ કરવાના નિયમોમાં ફેરફાર કર્યો હતો. આ ઉપરાંત, EPFO એ દર વર્ષે નવેમ્બર મહિનામાં જીવન પ્રમાણપત્ર સબમિટ કરવાની જવાબદારીને દૂર કરી અને લાભાર્થીઓને આખા વર્ષ દરમિયાન કોઈપણ સમયે તેને સબમિટ કરવાની મંજૂરી આપી.
Trending News
EPFOએ ટ્વીટ કરીને આ જાણકારી આપી છે:
જો કે, તેની સાથે માત્ર એક જ શરત છે કે તમે જે પણ મહિનામાં પ્રથમ વખત લાઇફ સર્ટિફિકેટ જમા કરાવ્યું હોય, આવતા વર્ષ પણ તમારે તે જ મહિના સુધી લાઇફ સર્ટિફિકેટ જમા કરાવવાનું રહેશે. આ ન મળવાની સ્થિતિમાં આવતા મહિનાથી પેન્શન બંધ થઈ જશે. EPFO દ્વારા આ સંબંધમાં ટ્વીટ કરવામાં આવ્યું છે, ‘EPS’95 પેન્શનર્સ હવે કોઈપણ સમયે જીવન પ્રમાણપત્ર સબમિટ કરી શકે છે, જે સબમિટ કરવાની તારીખથી 1 વર્ષ માટે માન્ય રહેશે.
જીવન પ્રમાણપત્ર આ રીતે સબમિટ કરી શકાય છે:
આ પોસ્ટની સાથે, EPFO દ્વારા એ પણ જણાવવામાં આવ્યું છે કે, પેન્શનધારકો જીવન પ્રમાણપત્ર કેવી રીતે સબમિટ કરી શકે છે. EPFOએ કહ્યું છે કે, પેન્શનધારકો કોઈપણ જાહેર સેવા કેન્દ્ર, પોસ્ટ ઓફિસ, નજીકની EPFO ઓફિસ અથવા પેન્શન ચૂકવતી બેંકમાં જીવન પ્રમાણપત્ર સબમિટ કરી શકે છે. આ ઉપરાંત જીવન પ્રમાણપત્ર પણ UMANG એપ દ્વારા સબમિટ કરી શકાય છે. જીવન પ્રમાણપત્ર સબમિટ કરવા માટે, પેન્શનરોને PPO નંબર, આધાર નંબર, બેંક ખાતાની વિગતો અને આધાર લિંક્ડ મોબાઈલ નંબર જેવી માહિતીની જરૂર પડશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.