November 05, 2024
અફઘાનિસ્તાનમાં 20 વર્ષ બાદ પરત ફરેલા તાલિબાન પોતાને બદલાયેલા તાલિબાન હોવાનો દાવો કરી રહ્યા છે, પરંતુ સત્ય સંપૂર્ણપણે અલગ છે અને અત્યાચારની ભયાનક તસવીરો બહાર આવવા લાગી છે. તાલિબાનની ક્રૂરતાનો નવો વીડિયો સામે આવ્યો છે, જેમાં એક માણસ હેલિકોપ્ટર સાથે લટકતો જોઈ શકાય છે.
અફઘાનિસ્તાનના કંદહારમાં તાલિબાનોએ ક્રૂરતાની હદ વટાવી દીધી અને અમેરિકન અનુવાદકને ઉડતા હેલિકોપ્ટરથી ફાંસીએ લટકાવી દીધો. અહેવાલો અનુસાર, જે હેલિકોપ્ટરમાંથી વ્યક્તિને લટકાવવામાં આવ્યો હતો તે UH-60 બ્લેક હોક હેલિકોપ્ટર હતું. અમેરિકાએ આ હેલિકોપ્ટર અફઘાન સેનાને આપ્યું હતું.
ટ્વિટર પર વીડિયો શેર કરીને દાવો કરવામાં આવ્યો હતો કે, નિર્દય તાલિબાનોએ કંદહાર પ્રાંતમાં પેટ્રોલિંગ માટે બહાર કાઢવામાં આવેલા યુએસ મિલિટરી હેલિકોપ્ટરમાંથી એક વ્યક્તિની હત્યા કરી અને તેને ફાંસી આપી દીધી. ફૂટેજમાં યુએસ લશ્કરી હેલિકોપ્ટરથી તાલિબાનો સાથે કંદહાર પ્રાંત ઉપર ઉડતી વ્યક્તિ લટકતી દેખાય છે. જમીનમાંથી શૂટ કરાયેલ વીડિયોમાં સ્પષ્ટ દેખાતું નથી કે હેલિકોપ્ટર સાથે બંધાયેલ વ્યક્તિ જીવંત છે કે નહીં, પરંતુ અહેવાલોમાં દાવો કરવામાં આવ્યો છે કે તાલિબાનોએ તે વ્યક્તિના મૃતદેહને બાંધીને મોતને ઘાટ ઉતાર્યો હતો.
Trending News
“નહિ સુધરે તાલીબાનીઓ”: હેવાનિયતની હદ પાર કરીને ચાલુ હેલીકોપ્ટરે શખ્સને લટકાવીને આપી ફાંસી- જુઓ ખૌફનાક વિડીયો #Afghanistan #Taliban #helicopter #trishulnews pic.twitter.com/t5EI0SYzkx
— Trishul News (@TrishulNews) September 1, 2021
તાલિબાનના પ્રવક્તા ઝબીઉલ્લાહ મુજાહિદે અફઘાનિસ્તાનની આઝાદી સાથે જોડી હતી અને કહ્યું હતું કે આજે દેશ સંપૂર્ણપણે આઝાદ થયો, પરંતુ આ પછી જ્યારે કાબુલ એરપોર્ટને તાલિબાન દ્વારા સંપૂર્ણપણે કબજે કરવામાં આવ્યું ત્યારે તાલિબાન આતંકવાદીઓએ ડરામણી ઉજવણી કરી. આતંકવાદીઓએ હવામાં ફાયરિંગ કર્યું અને આકાશમાં ઘણા રોકેટ છોડ્યા. તાલિબાનના આ ફાયરિંગથી કાબુલના સ્થાનિક લોકો ગભરાઈ ગયા હતા. તાલિબાને તેમને કહ્યું કે, આ હુમલો નથી, પરંતુ અમેરિકા ગયા પછી ઉજવણીમાં ફાયરિંગ કરવામાં આવી રહ્યું છે.
તાલિબાનના પ્રવક્તા ઝબીઉલ્લાહ મુજાહિદે કાબુલ એરપોર્ટ પર પત્રકાર પરિષદ યોજી હતી અને અમેરિકા સાથે રાજદ્વારી સંબંધો અંગે પણ વાત કરી હતી. પ્રવક્તાએ કહ્યું કે અમેરિકન સૈનિકોનું પાછું ખેંચવું એ આપણા બધાની જીત છે. તાલિબાન અમેરિકા સાથે વધુ સારા રાજદ્વારી સંબંધો ઈચ્છે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.