વાઈરલ થયેલા ફોટોની હકીકત આવી સામે, જાણો પોલીસ પર હુમલો થયો તે ફોટો સાચો છે કે ખોટો

કોરોના વાયરસને કારણે દેશમાં 21 દિવસનું લોકડાઉન ચાલી રહ્યું છે. દરમિયાન, આ પ્રકારના તમામ વીડિયો અને ફોટા સોશ્યલ મીડિયા પર સામે આવ્યા છે, જ્યાં પોલીસ બહાર નીકળતાં અટકાવવા લોકો પોલીસને માર મારતા નજરે પડે છે. આવી જ રીતે ફેસબુક પર એક તસવીર વાયરલ થઈ રહી છે, જેમાં એક વ્યક્તિ રસ્તા પર પોલીસ કર્મચારીને માર મારતો નજરે પડે છે. આ તસવીરનો દાવો કરવામાં આવી રહ્યો છે કે, તે લોકડાઉન દરમિયાન લોકો પર થયેલા પોલીસ અત્યાચારનું પરિણામ છે. સોશ્યલ મીડિયા યુઝર્સ પોલીસને પણ અપીલ કરી રહ્યા છે કે તેઓએ નાગરિકોની મજબૂરીને સમજી લેવી જોઈએ.

Fact Check: Viral linking 3-year-old photo of scuffle with policeman to lockdown

TRISHUL NEWSની ફેકટ ચેક ટીમ ને જાણવા મળ્યું છે કે આ વાયરલ પોસ્ટ ગેરમાર્ગે દોરી રહી છે. આ ફોટો ત્રણ વર્ષ જૂના છે અને કોરોના વાયરસને કારણે થયેલા લોકડાઉન સાથે કોઈ લેવા દેવા નથી. ઘણા યુઝર્સે આ તસવીર શેર કરતા લખ્યું છે કે, “લોકડાઉનમાં પોલીસ વહીવટી તંત્ર દ્વારા કરવામાં આવતી અતિરેકના આવ દ્રશ્યો સામે આવી રહ્યા છે. તેથી પોલીસ વહીવટીતંત્રને જનતાની લાચારી સમજવા વિનંતી છે.” આ પોસ્ટ લખાય છે ત્યાં સુધી આ પોસ્ટ 500 થી વધુ વખત શેર કરવામાં આવી છે.

અલગ અલગ કી વર્ડથી અમે શોધ કરી ત્યારે સામે આવ્યું કે, આ વાયરલ ફોટાઓ જૂન 2017 માં “ડેઇલી મેઇલ” ના એક ન્યૂઝ લેખમાં બતાવવામાં આવ્યો હતો. આ અહેવાલમાં કહેવામાં આવ્યું છે કે ઉત્તર પ્રદેશના કાનપુરની એક હોસ્પિટલમાં કિશોરી પર બળાત્કાર કર્યા પછી ગુસ્સે ભરાયેલા ટોળાએ હોબાળો મચાવતાં હુલ્લડ કર્યું હતું અને આ તસવીરો લેવામાં આવી છે. તે દરમિયાન ટોળાએ પોલીસ અધિકારીઓ પર હુમલો પણ કર્યો હતો. જેના આ ફોટો અત્યારે અમુક તત્વો સાચું જાણ્યા વગર શેર કરી રહ્યા છે.