ATMમાં ઘુસી ઉંદરોએ લાખો રૂપિયાનું કરી નાખ્યું પાણી- વિડીયો થયો ફરીથી વાયરલ

સોશિયલ મીડિયા પર બે તસવીરો ખૂબ વાયરલ થઈ રહી છે, જેમાં મશીનમાં મોટી માત્રામાં નોટોનો ભુક્કો જોવા મળ્યો હતો. ફોટાની સાથે સાથે એવો દાવો કરવામાં આવી રહ્યો છે કે ગુવાહાટીના એક એટીએમમાં, ઉંદરોએ 2000 અને 500 રૂપિયાની નોટોમાં લગભગ 12 લાખ રૂપિયાની નોટને કોતરી નાખી હતી.

આ તસવીરો પોસ્ટ કરતા ખુસેન્દ્ર શર્મા નામના ફેસબુક યુઝરે લખ્યું, “19 મેના રોજ ગુવાહાટીમાં એક એટીએમ મશીનમાં 29,84,000 રૂપિયા જમા કરવામાં આવ્યા હતા. એક દિવસ પછી, તકનીકી ખામીને કારણે, મશીન 20 મેથી 10 જૂન સુધી બંધ રહ્યું. 11 જૂને મશીનને સુધારવા માટે મશીન ખોલ્યું ત્યારે, બધા જ ચોંકી ગયા. મશીનની અંદર અંદાજે 12 લાખ 38 હજાર રૂપિયાની કિંમતના 500 અને 2000 રૂપિયાના ઉંદરોએ કોતરી નાખી હતી.

ઇન્ડિયા ટુડેના એન્ટી ફેક ન્યૂઝ વોર રૂમ (એએફડબલ્યુએ) ને જાણવા મળ્યું કે આ સમાચાર સાચા છે, પરંતુ તે બે વર્ષ જૂનો છે. આ ઘટના અસમના ટીનસુકિયા જિલ્લામાં એસબીઆઈના એટીએમ પર 2018 માં બની હતી. વાયરલ પોસ્ટ્સમાં કોરોના વાયરસ સાથે સંકળાયેલ હેશટેગ્સના ઉપયોગને કારણે, એવું લાગે છે કે આ ઘટના તાજેતરમાં બની છે. પોસ્ટનો આર્કાઇવ અહીં જોઈ શકાય છે. ફોટાઓની પાછળ શોધ પર, અમને તેનાથી સંબંધિત ઘણા સમાચાર મળ્યાં. જૂન 2018 માં પ્રકાશિત આ અહેવાલો અનુસાર આ ઘટના આસામના ટીનસુકિયા જિલ્લાની છે.