એક ફેને કાજોલને પૂછ્યું: “અજય ન હોત તો શાહરૂખ સાથે લગ્ન કરેત?” તો કાજોલે આપ્યો આ જવાબ

હિન્દી સિનેમાનાં ઈતિહાસમાં માધુરી-અનિલ કપૂર, નરગીઝ-રાજકુમાર, જુહી ચાવલા-આમિર ખાન જેવી અનેક સુપરહિટ જોડી પડદા પર જોવા મળી છે. તેમાં સૌથી વધુ પસંદ કરાયેલ જોડી શાહરૂખ અને કાજોલ ની છે. શાહરૂખ અને કાજોલની જોડીએ અનેક સુપરહિટ ફિલ્મો આપી છે. જે કારણે ફેન્સની પણ આ જોડી માનીતી બની ગઈ. રિલ લાઈફ સિવાય રિયલ લાઈફમાં પણ શાહરૂખ અને કાજોલની ખુબ સારી દોસ્તી છે. થોડાં સમય પહેલાં જ કાજોલે ફેન્સની સાથે સવાલ-જવાબનું સેશન રાખ્યું હતું. જેમાં ફેન્સે તેની અંગત ઝિંદગીને લઈ કેટલાક સવાલો પૂછ્યા હતા.

આ જ તમામ સવાલોની વચ્ચે એક ફેને કાજોલને એવો સવાલ પૂછ્યો હતો જેની આશા કોઈને પણ ન હોય. ફેને પૂછ્યું હતું કે, જો તમારી લાઈફમાં અજય દેવગન ન હોત તો શું તમે શાહરૂખ ખાન સાથે લગ્ન કરી લેત ? આ સવાલે કાજોલને ચોક્કસ દુવિધામાં મૂકી દીધી હશે, પરંતુ કાજોલે જે જવાબ આપ્યો તે વાંચી સૌ કોઈ ચોંકી ગયા હતા.

કાજોલે એ ફેનને જવાબ આપતા લખ્યું કે, શું તેણે (શાહરૂખે) પ્રપોજ ન કરવું જોઈએ ? અન્ય એક ફેને શાહરૂખ અને કાજોલની બોન્ડિગને લઈ સવાલ ઉઠાવ્યો ત્યારે અભિનેત્રીએ કહ્યું કે, ફ્રેન્ડ્સ ફોર લાઈફ.