ગીરના જંગલમાં થઇ સિંહ અને કુતરા વચ્ચે મોટી બબાલ, છેવટે સિંહને હાર માનવી પડી -સમગ્ર ઘટના કેમેરામાં કેદ

રાજ્યમાં અવારનવાર કેટલાંક વિડીયો સામે આવતા હોય છે. હાલમાં આવી જ એક વિચિત્ર એક ઘટના સામે આવી રહી છે. ગીરના સિંહના વીડિયો ઘણીવાર જોવા મળતા હોય છે. રહેણાંક વિસ્તારમાં સિંહ લટાર મારતા હોય કે પછી એકસાથે ઝૂંડમાં મારણ કરતા સિંહના વીડિયો સોશિયલ મીડિયામાં વાયરલ થતાં હોય છે.

હાલમાં એક એવો વીડિયો સોશિયલ મીડિયામાં સામે આવી રહ્યો છે કે, જે જવલ્લેજ જોવા મળે છે. ગીર સોમનાથ પંથકના જંગલમાં એક સિંહ અને શ્વાન વચ્ચેની લડાઇ થતી આ વીડિયોમાં જોવા મળે છે કે, જેમાં શ્વાન હિંમતભેર સિંહ સાથે બાથ ભીડે છે અને એક સમયે સિંહે પીછેહઠ કરવી પડે છે.

એશિયાટીક સિંહનો રહેઠાણ એવા ગીર જંગલમાં વસતા સિંહોને જોવા માટે દેશ-વિદેશથી લાખો પ્રવાસીઓ જિલ્લાના સાસણ ગીર જંગલની મુલાકાતે આવતા હોય છે અને અહીં વનવિભાગ દ્વારા દેખાડવામાં આવતી જંગલ સફારીનો લ્હાવો માણતાં હોય છે.