November 02, 2024
Thailand Firecrackers Blast: થાઈલેન્ડના સુફાન બુરી પ્રાંતમાં બુધવારે ફટાકડા બનાવવાની (Thailand Firecrackers Blast) ફેક્ટરીમાં થયેલા વિસ્ફોટમાં 23 લોકોના મોત થયા છે. અધિકારીઓએ જણાવ્યું હતું કે, આ ઘટના રાજધાની બેંગકોકથી લગભગ 60 માઈલ ઉત્તર-પશ્ચિમમાં સ્થિત ફેક્ટરીમાં બની હતી. ઘટનાસ્થળે હાજર બચાવકર્મીઓએ જણાવ્યું કે અકસ્માત સમયે ફેક્ટરીમાં હાજર તમામ લોકોના મોત થયા હતા. અમને કોઈ જીવિત મળ્યું નથી. મૃત્યુઆંક હજુ વધી શકે છે.
સ્થાનિક બચાવકર્મીઓના જણાવ્યા અનુસાર, અકસ્માત સ્થળ ચોખાના ખાલી ખેતરમાં હતું અને બિલ્ડિંગનો કાટમાળ અને શરીરના ભાગો આખા વિસ્તારમાં વિખરાયેલા હતા. આ વિસ્ફોટનું કારણ તાત્કાલિક સ્પષ્ટ થયું નથી. પરંતુ આ ફેબ્રુઆરીમાં આવતા ચીની નવા વર્ષ પહેલા એક મહિના કરતા પણ ઓછો સમય છે. એવું માનવામાં આવે છે કે આ ફટાકડાના ઉત્પાદન સાથે સંબંધિત છે, કારણ કે તે સમયે ફટાકડાની માંગ ઘણી વધારે છે.
An explosion at a fireworks factory in Thailand has killed at least 23 people, officials in the country say: Sky News
— ANI (@ANI) January 17, 2024
Trending News
બેંગકોકથી લગભગ 120 કિ.મી. ઉત્તરમાં સુફન બુરી સ્થિત એક ફેક્ટરીમાં બપોરે લગભગ 3.30 વાગ્યે વિસ્ફોટ થયો હોવાનું જાણવા મળ્યું છે. આ અકસ્માતમાં લગભગ સાત લોકો ઘાયલ થયા હતા અને તેમને નજીકની હોસ્પિટલમાં લઈ જવામાં આવ્યા હતા. બચાવ કાર્યમાં લાગેલા લોકોના જણાવ્યા અનુસાર, આગ પર કાબૂ મેળવી લેવામાં આવ્યો છે અને બચાવકર્મીઓ જાનહાનિની ચોક્કસ સંખ્યાની પુષ્ટિ કરવાનો પ્રયાસ કરી રહ્યા છે. તસવીરોમાં આગ ઓલવાઈ ગયા બાદ કાળા ધુમાડાના ગોટેગોટા હવામાં ઉછળતા જોવા મળ્યા હતા.
અધિકારીઓના જણાવ્યા અનુસાર ગયા વર્ષે જુલાઈમાં દક્ષિણ થાઈલેન્ડમાં ફટાકડાના વેરહાઉસમાં થયેલા પ્રચંડ વિસ્ફોટમાં ઓછામાં ઓછા 10 લોકો માર્યા ગયા હતા અને 100 થી વધુ ઘાયલ થયા હતા. થાઈલેન્ડના આપત્તિ નિવારણ વિભાગના જણાવ્યા અનુસાર, નરાથીવાટ પ્રાંતના રહેણાંક વિસ્તારમાં વિસ્ફોટ થયો હતો, જેમાં લગભગ 500 મીટર (1,640 ફૂટ)ની ત્રિજ્યામાં લગભગ 100 ઘરોને નુકસાન થયું હતું. નારથીવાટના ગવર્નરે કહ્યું હતું કે વેરહાઉસમાં ચાલી રહેલા બાંધકામના કામને કારણે વિસ્ફોટ થવાની સંભાવના છે, મેટલના વેલ્ડિંગમાંથી નીકળેલી સ્પાર્કને કારણે અંદર રાખવામાં આવેલા ફટાકડામાં આગ લાગી અને વિસ્ફોટ થયો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube