પુરપાટ ઝડપે આવી રહેલી ટ્રકે બે કારને દડાની જેમ હવામાં ફંગોળી અને હોટલમાં ઘુસી- જુઓ હચમચાવી દે તેવો વિડીયો 

ગુજરાત(Gujarat): પાલનપુર(Palanpur)ના RTO ચાર રસ્તા પાસે એક ટ્રક હોટલમાં ટ્રક ઘુસી જતા એક વ્યક્તિનું મોત નીપજ્યું હતું. જ્યારે હોટલની બહાર પાર્ક કરેલી કારનો કચ્ચરઘાણ બોલી ગયો હતો. આ સમગ્ર ઘટનાના ચોંકાવનારા CCTV ફૂટેજ પણ સામે આવ્યા છે. રાજસ્થાન તરફથી પૂરપાટ ઝડપે આવી રહેલી ટ્રકના ચાલકે કોઈ કારણસર સ્ટિયરિંગ પરનો કાબૂ ગુમાવી દેતાં ટ્રક હોટલમાં ઘૂસી ગઈ હતી. અકસ્માત(Accident)માં એકનું ઘટનાસ્થળે જ મોત નીપજ્યું હતું જ્યારે અન્ય બે ઘાયલ થયા હતા.

પુરપાટ ઝડપે આવી રહેલી ટ્રકે બે કારને દડાની જેમ હવામાં ફંગોળી અને હોટલમાં ઘુસી- જુઓ હચમચાવી દે તેવો વિડીયો pic.twitter.com/t1SfXIUgnf

— Trishul News (@TrishulNews) February 20, 2022

બે કારના ભુક્કા બોલી ગયા:
આ અંગે મળતી માહિતી અનુસાર, રાજસ્થાન રાજ્ય બાજુથી આવી રહેલી ટ્રકના ચાલકે અચાનક જ સ્ટીયરિંગ પર કાબૂ ગુમાવતા તે ધડાકાભેર પાલનપુર RTO સર્કલ પાસે આવેલી સવેરા હોટલમાં ઘૂસી જતા ગંભીર અકસ્માત સર્જાયો હતો. આ દરમિયાન બેકાબૂ ટ્રકે હોટલની બહાર પાર્ક કરવામાં આવેલી બે કારોને અડફેટે લેતાં તેનો ભુક્કો બોલી ગયો હતો.

ટ્રક હોટલમાં ઘુસતા સર્જાયો ગંભીર અકસ્માત:
આ અકસ્માત હોટલ પાસે લાગેલા સીસીટીવી કેમેરામાં કેદ થયો હતો. જેમાં હોટલની બહાર બે કાર પાર્ક કરેલી જોવા મળે છે. દરમિયાન બે કારને ટક્કર માર્યા બાદ પણ સ્પીડમાં આવતી ટ્રક રોકાઈ ન હતી અને હોટલમાં ઘુસી ગઈ હતી અને ગંભીર અકસ્માત સર્જાયો હતો.