મોંઘવારીના માર વચ્ચે સામાન્ય જનતા માટે રાહતના સમાચાર – સતત 77 માં દિવસે પેટ્રોલ ડીઝલના ભાવમાં થયો…

05 ઓગસ્ટ 2022, પેટ્રોલ ડીઝલની કિંમત: ભારતીય ઓઇલ માર્કેટિંગ કંપનીઓએ દરરોજની જેમ આજે પણ પેટ્રોલ અને ડીઝલના નવીનતમ ભાવ જાહેર કર્યા છે. જોકે, ભારતીય ઓઈલ કંપનીઓએ શુક્રવારે પણ પેટ્રોલ અને ડીઝલના ભાવ સ્થિર રાખ્યા છે. આ રીતે આજે સતત 77મો દિવસ છે જ્યારે દેશમાં પેટ્રોલ અને ડીઝલના ભાવમાં કોઈ ફેરફાર કરવામાં આવ્યો નથી. મોંઘવારીના મોરચે આજે પણ સામાન્ય લોકો માટે રાહતના સમાચાર આવ્યા છે.

સરકારી તેલ કંપનીઓએ શુક્રવાર, 5 ઓગસ્ટ માટે પેટ્રોલ અને ડીઝલના ભાવ જાહેર કર્યા છે. સતત 77માં દિવસે સામાન્ય લોકોને રાહત આપતા ઓઈલ કંપનીઓએ પેટ્રોલ અને ડીઝલના ભાવમાં કોઈ ફેરફાર કર્યો નથી. એટલે કે આજે પણ તેજના ભાવ સ્થિર છે. જ્યારે આંતરરાષ્ટ્રીય બજારમાં કાચા તેલની કિંમતમાં છેલ્લા ઘણા દિવસોથી સતત નરમાશ જોવા મળી રહી છે. હાલમાં, બ્રેટ ક્રૂડ બેરલ દીઠ $100 આસપાસ છે.

અગાઉ 21 મેના રોજ સરકારે એક્સાઈઝ ડ્યુટીમાં ઘટાડો કર્યો હતો. પેટ્રોલ પરની એક્સાઈઝ ડ્યૂટીમાં પ્રતિ લિટર 8 રૂપિયા અને ડીઝલ પર 6 રૂપિયા પ્રતિ લિટરનો ઘટાડો કરવામાં આવ્યો હતો. ત્યારપછી પેટ્રોલ અને ડીઝલના ભાવમાં ઘટાડો થયો છે. આ પછી દેશમાં ડીઝલ 9.50 રૂપિયા અને 7 રૂપિયા પ્રતિ લીટર સસ્તું થયું છે. કેન્દ્રની જાહેરાત બાદ રાજસ્થાન, મહારાષ્ટ્ર, ઓડિશા અને કેરળની સરકારોએ પણ વેટમાં ઘટાડો કર્યો છે.

હાલમાં દિલ્હીમાં પેટ્રોલ 96.72 રૂપિયા પ્રતિ લીટર અને ડીઝલ 89.62 રૂપિયા પ્રતિ લીટર વેચાઈ રહ્યું છે. તે જ સમયે, મુંબઈમાં પેટ્રોલ 106.31 રૂપિયા અને ડીઝલ 94.27 રૂપિયા પ્રતિ લિટર મળી રહ્યું છે. જ્યારે કોલકાતામાં પેટ્રોલ 106.03 રૂપિયા અને ડીઝલ 92.76 રૂપિયા પ્રતિ લીટર છે. બીજી તરફ ચેન્નાઈમાં પેટ્રોલ 102.63 રૂપિયા અને ડીઝલ 94.24 રૂપિયા પ્રતિ લીટરના ભાવે વેચાઈ રહ્યું છે.