કોરોના વાયરસને લીધે વિદેશી કપલ ભારતમાં ફસાયું, ખાવા માટે કરે છે દિનરાત મહેનત

કોરોના વાયરસને લીધે ઘણાં વિદેશી લોકો ભારતમાં ફસાયા છે. આવું જ એક કપલ દિલ્હીના લોધી ગાર્ડનની પાસેના વિસ્તારમાં જોવા મળ્યું. વિક્ટર અને એના ફ્લાઈટ કેન્સલ થવાને કારણે દિલ્હીથી તેમના ઘરે રશિયા જઈ શકે એમ નથી. હાલમાં તેઓ દિલ્હીના લોધી ગાર્ડન પર તેમની ટ્રીપના ફોટોગ્રાફ્સ લઈને વેચવા માટે બેઠા છે. તેમને નથી ખબર કે તેઓ પોતાના ઘર રશિયા ક્યારે પરત જઈ શકશે. તેમના બધાં પૈસા પુરા થઈ ચુક્યા છે. જે ફ્લાઈટમાં તેઓ મોસ્કો જવાના હતા તે ફ્લાઈટ પણ કેન્સલ ચુકી છે. હવે ભારતમાં રહેવા માટે તેમની પાસે પૈસા વધ્યા નથી.

આર્થિક સ્થિતિ સારી ન હોવાના લીધે કપલ તેમની ટૂરના ફોટોગ્રાફ્સ વેચી રહ્યા છે. કપલે એક બોર્ડ લગાવી રાખ્યું છે. તેના પર લખ્યું છે કે, અમે અમારી દુનિયાની ટૂરના ફોટો અહીં યોગ્ય ભાવે વેચી રહ્યા છે. આ પૈસા હોટલ અને ખાવા પર ખર્ચ કરવામાં આવશે, આભાર.