કોરોનાના કારણે બેરોજગાર થયેલા લોકો માટે ખુશીના સમાચાર, મોદી સરકાર આપશે 2 વર્ષ સુધી રૂપિયા. બસ કરી લ્યો આ કામ

કોરોના વાયરસના કારણે આખી દુનિયા ઘરમાં કેદ થઇ ગઈ છે. ત્યારે આવી કપરી પરિસ્થતિમાં વેશ્વિકઅર્થતંત્ર પર મોટી અસર થઇ રહી છે. સાથે-સાથે ભારતના અર્થતંત્ર પર મોટી અસર થવાની છે. છેલ્લા બે મહિનાથી ઠપ્પ પડેલા અર્થતંત્ર વચ્ચે હવે લોકોની નોકરીઓ પર સંકટના કાળા વાદળ છવાયા છે. અનેક કંપનીઓમાં તો અત્યારથી જ લોકોને નોકરીમાંથી કાઢવામાં આવી રહ્યાં છે. એક તો લોકો પાસે અત્યારે ખાવાના પૈસા ખૂટવા માંડ્યા છે અને સાથે-સાથે પોતાની નોકરી પણ ગુમાવા લાગ્યા.

જોકે આ સમસ્યા વચ્ચે મોદી સરકાર એક ખાસ યોજના તૈયાર કરી રહી છે. જેને અંતર્ગત કેન્દ્ર સરકાર બેરોજગાર બનેલા કર્મચારીઓને 24 મહિના એટલે કે 2 વર્ષ સુધી પૈસા આપતી રહેશે. મોદી સરકારની આ સ્કિમનું નામ છે ‘અટલ બીમિત વ્યક્તિ કલ્યાણ’ યોજના.

આ યોજનાને અંતર્ગત જે વ્યક્તિની નોકરી છીનવાઈ જશે તેને સરકાર બે વર્ષ સુધી આર્થિક મદદ આપતી રહેશે. આ આર્થિક મદદ દર મહિને આપવામાં આવશે. બેરોજગાર વ્યક્તિને આ લાભ તેની છેલ્લા 90 દિવસની આવકના 25 ટકા બરાબર આપવામાં આવશે.