November 05, 2024
કોરોના વાયરસ(Corona virus)નો તાંડવ ફરી એકવાર શરૂ થયો છે. અમેરિકા અને બ્રિટન સહિત એશિયા અને યુરોપના ઘણા દેશોમાં કોરોના વાયરસના કેસ ઝડપથી વધી રહ્યા છે. આ જોતા ભારત સહિત સમગ્ર વિશ્વમાં કોરોનાની ચોથી લહેર(Corona’s fourth wave)ની આશંકા સેવાઈ રહી છે. કર્ણાટક(Karnataka)ના આરોગ્ય પ્રધાન કે સુધાકરે(K Sudhakar) વિધાન પરિષદને જણાવ્યું છે કે, ઓગસ્ટમાં ભારતમાં કોરોના મહામારીની ચોથી લહેર જોવા મળી શકે છે.
છેલ્લા કેટલાક અઠવાડિયાથી ઘણા દેશોમાં કોરોનાના નવા કેસોની સંખ્યામાં અચાનક મોટો વધારો થયો છે. કહેવામાં આવી રહ્યું છે કે આ વખતે કોરોનાના સૌથી ઝડપથી ફેલાતા પ્રકાર ઓમિક્રોન સબવેરિયન્ટ BA.2 (Omicron subvariant BA.2)ના કેસ વધુ ઝડપથી વધી રહ્યા છે. સૌથી ખરાબ સ્થિતિ દક્ષિણ કોરિયામાં છે, જ્યાં દરરોજ કોરોનાના લગભગ પાંચ લાખ કેસ સામે આવી રહ્યા છે.
કોરોનાના આ સબવેરિયન્ટના કેટલાક કેસ ભારતમાં પણ જોવા મળ્યા છે. સુધાકરે વિધાન પરિષદમાં કહ્યું છે કે ઓગસ્ટમાં દેશને ચોથી લહેરનો સામનો કરવો પડી શકે છે. IIT-કાનપુરના વૈજ્ઞાનિકો દ્વારા તૈયાર કરવામાં આવેલા ગાણિતિક મોડલમાં ઓગસ્ટમાં ચોથી લહેરની આગાહી કરવામાં આવી હતી.
Trending News
તેમણે જણાવ્યું હતું કે ગયા મહિને હાથ ધરવામાં આવેલા ખાસ જીનોમ સિક્વન્સિંગ અભિયાનમાં દર્શાવવામાં આવ્યું હતું કે 89.6 ટકા નમૂનાઓમાં ઓમિક્રોન છે જ્યારે 10 ટકામાં ડેલ્ટા અને અન્ય પ્રકારો છે. ઓમિક્રોનના નમૂનામાં પણ 99.1 ટકા Ba.2 સબવેરિયન્ટ હતું. ઓમિક્રોનનું સબવેરિયન્ટ ba.2 સૌપ્રથમ ફિલિપાઈન્સમાં મળી આવ્યું હતું અને હવે તે 40 જુદા જુદા દેશોમાં ફેલાયું છે, એમ તેમણે જણાવ્યું હતું. તેથી આપણે હાઈ એલર્ટ રહેવાની જરૂર છે.
કેટલાક અભ્યાસો અનુસાર ઓમિક્રોન સબવેરિયન્ટ BA.2 ના બે મહત્વના લક્ષણો છે ચક્કર અને થાક. દર્દીઓમાં સંક્રમણ ફેલાયાના ત્રણ દિવસ સુધી આ લક્ષણો હોઈ શકે છે. બીજું, આ પ્રકાર આંતરડાને વધુ અસર કરે છે, તેથી દર્દીઓને ઉબકા, ઝાડા, ઉલટી, પેટમાં દુખાવો, ગરમી અને પેટનું ફૂલવું જેવા લક્ષણો પણ અનુભવી શકે છે. જો આપણે તેના સામાન્ય લક્ષણો વિશે વાત કરીએ, તો તેમાં તાવ, ઉધરસ, ગળું સુકાઈ જવું, માથામાં દુખવું, થાક લાગવો, ધબકારા વધી જવા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.