સુરતમાં પાર્ક કરેલી બાઈકમાં લાગી અચાનક આગ, સમગ્ર વિસ્તારમાં છવાયો ભયનો માહોલ- જુઓ ભયાનક વિડીયો

સુરત(ગુજરાત): સુરતમાંથી એક બાઈક અચાનક ધડાકા સાથે સળગવા લાગી હતી. આ ઘટના સુરતના લિંબાયતની સાંઈ કૃપા સોસાયટીની છે. આ ઘટના બાદ લોકોમાં ડરનો માહોલ જોવા મળ્યો હતો. એટલું જ નહીં, બાઇકમાં લાગેલી આગમાં બાજુમાં પાર્ક એક સાયકલ પણ આખી સળગી ગઈ હતી.

જોકે, ફાયરની ટીમ સમય સર દોડી આવતા પાલિકાના ટેમ્પાને બચાવી લેવાયો હતો. હજુ આગ લાગવા પાછળનું કોઈ કારણ જાણવા મળ્યું ન હતું.

યોગેશ મહેન્દ્ર જાદવના જણાવ્યા અનુસાર, કંઈ ખબર જ ન પડી, બસ ધડાકાનો અવાજ આવ્યો ને દોડીને નીચે ઉતર્યા તો બાઇક સળગતી હતી. કંઈ સમજ પડે એ પહેલાં તરત ફાયરને જાણ કરી હતી. ફાયરની ટીમ આવે એ પહેલાં બાજુમાં પાર્ક એક નવી સાયકલ પણ આગની ઝપેટમાં આવી ગઈ હતી.