November 24, 2024
senior bjp leader sunil ojha passes away: ગુજરાત ભાજપના પૂર્વ ધારાસભ્ય અને બિહાર ભાજપના સહ પ્રભારી સુનીલ ઓઝાનું દિલ્હીમાં નિધન થયું છે. સુનિલ ઓઝાના નિધનથી(senior bjp leader sunil ojha passes away) ભાજપમાં શોકની લહેર છે. વહેલી સવારે હાર્ટ એટેક આવતા તેમનું દિલ્હીમાં અવસાન થયુ છે. સુનીલ ઓઝા વારાણસી લોકસભા બેઠક પરની જવાબદારી નિભાવી ચુક્યા છે. સુનિલ ઓઝા ભાવનગરના પૂર્વ ધારાસભ્ય છે. જો કે છેલ્લા દસ વર્ષથી તેઓ વારાણસીમાં રહેતા હતા.
થોડા સમય પહેલા તેમની યુપીથી બિહાર બદલી કરવામાં આવી હતી. સુનીલ ઔઝા બિહારના સહ-પ્રભારી હતા. આ પહેલા તેઓ ઉત્તર પ્રદેશમાં સહ-પ્રભારી હતા. સુનીલ ઓઝા વડાપ્રધાન પીએમ મોદીના નજીકના ગણાતા હતા. તેમના નિધનથી સમગ્ર ભાજપ દુઃખી છે. સુનીલ ઓઝાનું આજે વહેલી સવારે હાર્ટ એટેકના કારણે દિલ્હીમાં અવસાન થયુ છે, ત્યારે ભાજપ બેડામાં અને સુનીલ ઓઝાના સમર્થકોમાં શોકનું મોજુ ફરી વળ્યું છે. 2012માં જ્યારે નરેન્દ્ર મોદીએ કેન્દ્ર સરકારમાં સત્તા મેળવવાનો પ્લાન બનાવ્યો, ત્યારે તેમણે સુનીલ ઓઝાને તેમની સાથે સામેલ કર્યા હતા.
Trending News
સમ્રાટ ચૌધરીએ વ્યક્ત કર્યો શોક
ભાજપના પ્રદેશ અધ્યક્ષ સમ્રાટ ચૌધરીએ સુનીલ ઓઝાના નિધન પર શોક વ્યક્ત કર્યો છે. સમ્રાટ ચૌધરીએ કહ્યું હતું કે “બિહાર ભાજપના સહ-પ્રભારી સુનીલ ઓઝા જીના નિધનથી ભાજપે એક કુશળ આયોજક ગુમાવ્યો છે. સુનીલ ઓઝા જીનું નિધન ખૂબ જ દુઃખદ છે. આ સમાચારથી સમગ્ર ભાજપ પરિવાર હ્રદયમાં વ્યથિત છે. તેમના યોગદાનને રાજકીય ક્ષેત્રે ખૂબ જ વખણાય છે.” હમેશા યાદ રહેશે. ભગવાન પુણ્યશાળી આત્માને તેમના ચરણોમાં સ્થાન આપે અને પરિવારને શક્તિ આપે.”
ગુજરાતમાંથી કરી હતી રાજકારણની શરૂઆત
તમને જણાવી દઈએ કે, સુનીલ ઔઝા ગુજરાતનો રહેવાસી છે. તેઓ ગુજરાતના ભાવનગરથી ભાજપના ધારાસભ્ય પણ રહી ચૂક્યા છે. સુનીલ ઓઝા બ્રાહ્મણ સમુદાયમાંથી આવતા ગ્રાસરુટ નેતા હતા. ભૂતકાળમાં તેમણે બળવો અને મતભેદોના કારણે ભાજપ છોડી દીધું હતું. આ પછી તેઓ ફરી વર્ષ 2011માં પાર્ટીમાં પાછા ફર્યા. તેમને 2014 અને 2019ની લોકસભા ચૂંટણીમાં વારાણસીમાં મોદીની જીતના મહત્વપૂર્ણ શિલ્પકાર માનવામાં આવતા હતા. ભાજપ પાર્ટીના ઘણા લોકો આ સફળતા પાછળ સુનીલ ઔઝાના યોગદાનને મહત્વપૂર્ણ માને છે.
भारतीय जनता पार्टी के वरिष्ठ नेता, बिहार भाजपा के सह-प्रभारी सुनील ओझा जी का असामयिक निधन अत्यंत दुःखद है।
ओझा जी का संपूर्ण जीवन जनसेवा व संगठन को समर्पित रहा। उनका जाना भाजपा परिवार के लिए अपूरणीय क्षति है।
मैं शोकाकुल परिजनों के प्रति गहन संवेदना प्रकट करता हूँ और दिवंगत…
— Jagat Prakash Nadda (@JPNadda) November 29, 2023
ભાવનગરના બે વાર રહી ચુક્યા ધારાસભ્ય
સુનીલ ઓઝા ભાવનગરના બે વાર ધારાસભ્ય તરીકે ચૂંટાઇ આવ્યા હતા. ભાજપે માર્ચ મહીનામાં જ સુનીલ ઓઝાને બિહાર ભાજપના સહ પ્રભારી તરીકેની જવાબદારી સોંપી હતી. સુનીલ ઓઝાને એક કુશળ સંગઠનકાર માનવામાં આવતા હતા. સુનીલ ઓઝા લગભગ છેલ્લા 30 વર્ષથી વડાપ્રધાન નરેન્દ્ર મોદીના સંપર્કમાં હતા. વડાપ્રધાન નરેન્દ્ર મોદીને વારાણસી બેઠક પરથી લોકસભા ચૂંટણી જીતાડવામાં સુનીલ ઓઝાનો ખૂબ જ મોટો રોલ હોવાનું માનવામાં આવે છે.
સુનીલ ઓઝા 1998માં પ્રથમ વાર બન્યા ધારાસભ્ય
1998માં ભાવનગર દક્ષિણમાંથી પ્રથમ વખત જીત્યા હતા અને ધારાસભ્ય બન્યા હતા. સુનિલ ઓઝા શરૂઆતમાં કેશુભાઈ પટેલના નજીકના ગણાતા હતા, જો કે વર્ષ 2002ની રાજકોટની ચૂંટણી બાદ વડાપ્રધાન મોદી સાથે પણ તેમની નિકટતા વધી હતી.
આ રીતે બન્યા વડાપ્રધાન નરેન્દ્ર મોદીના નજીકના માણસ
વડાપ્રધાન નરેન્દ્ર મોદીએ 2002માં તેમની પ્રથમ ચૂંટણી લડી હતી. ત્યારે રાજકોટમાં તેમની ચૂંટણીનો હવાલો સુનિલ ઓઝા હતો. અહીંથી જ ઓઝાએ પોતાની શાણપણ અને મહેનત દ્વારા મિસ્ટર ડિપેન્ડેબલ ઈમેજ બનાવી હતી. એવું કહેવાય છે કે સુનીલ ઓઝાના પીએમ મોદી સાથે પણ જૂના સંબંધો છે. ઓઝા જ્યારે સંગઠન મહાસચિવ હતા ત્યારથી પીએમ મોદીને ઓળખતા હતા.
જ્યારે સુનીલ ઓઝાની બિહારમાં બદલી કરવામાં આવી ત્યારે સોશિયલ મીડિયા પર 21 વર્ષ જૂનો ફોટો વાયરલ થઈ રહ્યો હતો જેમાં નરેન્દ્ર મોદી, અમિત શાહ, સુનીલ ઓઝા, જ્યોતિન્દ્ર મહેતા અને ભીખુભાઈ દલસાનિયા જોવા મળે છે. આ ફોટા બાદ રાજકીય વર્તુળોમાં અટકળોનો દોર શરૂ થયો હતો. સુનીલ ઓઝાને બિહારના સહપ્રભારી બનાવવા પાછળનું એક કારણ ભીખુ દલસાનિયા સાથેનું સંકલન હોઈ શકે તેવી ચર્ચા થઈ હતી. જ્યારે દલસાનિયા આરએસએસની પૃષ્ઠભૂમિ ધરાવે છે, જ્યારે સુનીલ ઓઝા મૂળ ભાજપ સંગઠનના હતા.
भाजपा के वरिष्ठ नेता और बिहार के सह-प्रभारी श्री सुनील ओझा जी के आकस्मिक निधन की सूचना अत्यंत दुःखद है। सुनीलभाई ने पूरी कर्मठता से संगठन के विभिन्न दायित्वों को निभाया। अपनी सादगी और संगठन निष्ठा के लिए वे सदैव हमारी स्मृति में रहेंगे। ईश्वर पुण्यात्मा को अपने श्रीचरणों में…
— Amit Shah (@AmitShah) November 29, 2023
નરેન્દ્ર મોદીના જીવનની પ્રથમ ચૂંટણીનો પ્રચાર સુનિલ ઓઝાએ કર્યો હતો
વડાપ્રધાન નરેન્દ્ર મોદીએ ગુજરાતના મુખ્યમંત્રી તરીકેનો કાર્યભાર સંભાળ્યા બાદ ફેબ્રુઆરી 2002માં તેમના જીવનની પ્રથમ ચૂંટણી લડી હતી. વજુભાઈ વાળાના સ્થાને તેઓ પ્રથમ વખત ચૂંટણીના રાજકારણમાં આવ્યા, ત્યારે રાજકોટમાં તેમની ચૂંટણીના પ્રભારી સુનિલ ઓઝા હતા. ઓઝાએ પોતાની બુદ્ધિ અને મહેનતથી આ ચૂંટણીમાં વધુ સારી ચૂંટણી વ્યવસ્થા કરી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube