100 અરબ ડોલર ક્લબમાં શામેલ થયા ગૌતમ અદાણી, ક્યાય પાછળ રહી ગયા મુકેશ અંબાણી

અદાણી ગ્રુપ(Adani Group)ના ચેરમેન ગૌતમ અદાણી(Chairman Gautam Adani) ફરી એકવાર ભારત (India)અને એશિયા(Asia)ના સૌથી મોટા અમીર બની ગયા છે. તેણે દેશની સૌથી મૂલ્યવાન કંપની રિલાયન્સ ઈન્ડસ્ટ્રીઝ(Reliance Industries)ના ચેરમેન મુકેશ અંબાણી(Chairman Mukesh Ambani)ને પછાડીને આ સિદ્ધિ મેળવી છે. બ્લૂમબર્ગ બિલિયોનેર્સ ઈન્ડેક્સ(Bloomberg Billionaire Index) અનુસાર, આ વર્ષે તેની નેટવર્થ $23.5 બિલિયન થઈ ગઈ છે અને તે $100 બિલિયન ક્લબમાં પહોંચી ગઈ છે. શુક્રવારે તેમની નેટવર્થમાં $2.44 બિલિયન એટલે 18,532 કરોડ રૂપિયાનો વધારો થયો છે.

અદાણી ગ્રૂપના શેર્સમાં આ વર્ષે ઘણી તેજી જોવા મળી છે અને તેણે આ વર્ષના પ્રથમ ત્રણ મહિનામાં વિશ્વના અન્ય કોઈ પણ ધનિકો કરતાં વધુ કમાણી કરી છે. આ વર્ષે 31 માર્ચ સુધી અદાણીની નેટવર્થમાં 27%નો ઉછાળો આવ્યો છે. શુક્રવારે તેમની તમામ કંપનીઓના શેર ઝડપથી બંધ થયા હતા. અદાણી ગ્રીન એનર્જી 1.49 ટકા, અદાણી ટ્રાન્સપોર્ટ 2.32 ટકા, અદાણી ટોટલ ગેસ 4.78 ટકા, અદાણી એન્ટરપ્રાઇઝ 1.42 ટકા, અદાણી પાવર 9.92 ટકા, અદાણી વિલ્મર પાંચ ટકા અને અદાણી પોર્ટ્સ 1.50 ટકા વધારો થયો છે.

ટોપ 10માં પહોંચ્યું અદાણી: 
અદાણી વિશ્વના અમીરોની યાદીમાં 10મા સ્થાને પહોંચી ગયું છે. અગાઉ આ પદ પર મુકેશ અંબાણી હતા. શુક્રવારે, અંબાણીની કુલ સંપત્તિમાં $79 મિલિયનનો વધારો થયો અને તેઓ $99 બિલિયનની નેટવર્થ સાથે 11મા નંબરે આવી ગયા હતા. આ વર્ષે અંબાણીની કુલ સંપત્તિમાં $9.03 બિલિયનનો વધારો થયો છે. જોકે ફોર્બ્સની રિયલ ટાઈમ બિલિયોનેર્સ લિસ્ટમાં અદાણી પહેલાથી જ અંબાણીથી આગળ નીકળી ગયા છે.

આ દરમિયાન, વિશ્વના સૌથી મોટા અમીર, એલોન મસ્ક, $273 બિલિયનની નેટવર્થ સાથે વિશ્વના અમીરોની યાદીમાં ટોચ પર છે. બ્લૂમબર્ગ બિલિયોનેર્સ ઈન્ડેક્સ અનુસાર, એમેઝોનના સ્થાપક જેફ બેઝોસ આ યાદીમાં 188 અબજ ડોલરની સંપત્તિ સાથે બીજા ક્રમે છે. ફ્રેન્ચ ઉદ્યોગપતિ અને વિશ્વની સૌથી મોટી લક્ઝરી ગુડ્સ કંપની LVMH Moët Hennessyના બર્નાર્ડ આર્નોલ્ટ ($148 બિલિયન) આ યાદીમાં ત્રીજા સ્થાને છે અને માઇક્રોસોફ્ટના સહ-સ્થાપક બિલ ગેટ્સ ($133 બિલિયન) ચોથા નંબરે છે.

કોણ કોણ છે ટોપ 10માં? 
જાણીતા રોકાણકાર વોરેન બફેટ $127 બિલિયનની નેટવર્થ સાથે પાંચમા ક્રમે છે, અમેરિકન કોમ્પ્યુટર સાયન્ટિસ્ટ અને ઈન્ટરનેટ ઉદ્યોગસાહસિક લેરી પેજ $125 બિલિયનની નેટવર્થ સાથે છઠ્ઠા ક્રમે છે. ગૂગલના સહ-સ્થાપક સર્ગેઈ બ્રિન $117 બિલિયન સાથે સાતમા, અમેરિકન બિઝનેસમેન અને રોકાણકાર સ્ટીવ બાલ્મર $108 બિલિયન સાથે આઠમા અને લેરી એલિસન $103 બિલિયનની નેટવર્થ સાથે નવમા ક્રમે છે. ફેસબુકના સીઈઓ માર્ક ઝકરબર્ગ 85.1 અબજની નેટવર્થ સાથે 12માં નંબરે છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.