November 24, 2024
ગોવા સરકારે રાજ્યના લોકો માટે મોટી જાહેરાત કરી છે. નવી કેબિનેટની પ્રથમ બેઠકમાં મોટો નિર્ણય લેતા, ગોવા સરકારે કહ્યું છે કે તે ભારતીય જનતા પાર્ટી (BJP) દ્વારા તેના ચૂંટણી ઢંઢેરામાં આપેલા વચન મુજબ રાજ્યના દરેક પરિવારને ત્રણ LPG સિલિન્ડર મફતમાં આપશે. મુખ્યમંત્રી પ્રમોદ સાવંતે સોમવારે નવી કેબિનેટની પ્રથમ બેઠકની અધ્યક્ષતામાં આ જાહેરાત કરી હતી. તમને જણાવી દઈએ કે, પ્રમોદ સાવંતની કેબિનેટમાં મુખ્યમંત્રી અને અન્ય આઠ મંત્રીઓનો સમાવેશ કરવામાં આવ્યો છે.
મુખ્યમંત્રીએ કરી મોટી જાહેરાત
સોમવારે સાંજે એક ટ્વીટમાં મુખ્યમંત્રી પ્રમોદ સાવંતે કહ્યું, ‘મુખ્યમંત્રી તરીકે શપથ લીધા બાદ પ્રથમ બેઠકની અધ્યક્ષતા કરી. કેબિનેટે ભાજપના ચૂંટણી ઢંઢેરામાં આપેલા વચન મુજબ નવા નાણાકીય વર્ષથી ત્રણ સિલિન્ડર વિનામૂલ્યે આપવાની યોજના તૈયાર કરવાનો નિર્ણય લીધો છે.એમાં વચન આપવામાં આવ્યું હતું કે જો પાર્ટી એટલે કે ભાજપ સત્તામાં આવશે તો દર વર્ષે રાજ્યના દરેક પરિવારને ત્રણ LPG સિલિન્ડર મફત આપવામાં આવશે.
Chaired the first Cabinet Meeting after taking oath as CM. The Cabinet has decided to formulate the 3 free cylinder scheme as promised in the BJP Manifesto, from the new financial year. pic.twitter.com/iPeAiVJ7ym
— Dr. Pramod Sawant (@DrPramodPSawant) March 28, 2022
Trending News
સીએમ પ્રમોદ સાવંતે વિપક્ષને આપ્યો જવાબ
ગોવાના સીએમ પ્રમોદ સાવંતે પત્રકારો સાથે વાત કરતા કહ્યું કે, વર્તમાન કાર્યકાળ દરમિયાન આયર્ન ઓરનું ખાણકામ ફરી શરૂ કરવું અને રોજગાર નિર્માણ તેમની પ્રાથમિકતાઓ છે. જ્યારે તેમના વિરોધીઓએ તેમને “આકસ્મિક મુખ્ય પ્રધાન” તરીકે વર્ણવ્યા, ત્યારે સાવંતે કહ્યું કે, આ વખતે તેઓ રાજ્યના મુખ્ય પ્રધાન તરીકે “ચૂંટાયેલા” છે, તેઓ “પસંદ” થયા નથી.
અત્રે નોંધનીય છે કે, પ્રમોદ સાવંતે 2019માં તત્કાલિન મુખ્યમંત્રી મનોહર પર્રિકરના અવસાન બાદ રાજ્યના મુખ્યમંત્રી તરીકેનો કાર્યભાર સંભાળ્યો હતો. તાજેતરમાં પૂર્ણ થયેલી વિધાનસભા ચૂંટણીમાં, પાર્ટીએ 40 સભ્યોના ગૃહમાં 20 બેઠકો જીતી હતી. ભાજપે સાવંતના નેતૃત્વમાં આ ચૂંટણી લડી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.