કોરોનાના કહેર વચ્ચે આવ્યા સારા સમાચાર, આ કમ્પ્યુટરે શોધી કાઢી દવા

કોરોના વાઈરસ સામે અદ્રશ્ય જંગ લડી રહેલી દુનિયા માટે એક સારા સમાચાર છે. વિશ્વના સૌથી તેજ કોમ્પ્યુટરે એવા કેમિકલની ઓળખ કરી છે, જે કોરોના વાઈરસને ફેલાતો રોકવામાં સક્ષમ છે. આ કેમિકલની ઓળખ થયા બાદ કોરોનાની વૈક્સીન શોધવાનો માર્ગ મોકળો થઈ ગયો છે. હકીકતમાં કોરોનાએ વિશ્વભરના વૈજ્ઞાનિકો સમક્ષ એવો પડકાર ઉભો કર્યો છે, જેનો ઈલાજ હજુ સુધી કોઈ શોધી શક્યું નથી.

ચીનના વુહાન શહેરથી શરૂ થયેલો કોરોના વાઈરસ આજે સમગ્ર વિશ્વમાં ફેલાઈ ચૂક્યો છે. આ વાઈરસનો ઝડપી ફેલાવો સમગ્ર વિશ્વ માટે ચિંતાનો વિષય બન્યો છે. આ બીમારી સામે લડવાની દિશામાં એક મોટી સફળતા મળી છે. AIથી સજ્જ IBMના સુપર કોમ્પ્યુટર સમિટે એવા રસાયણોનની ઓળખ કરી છે, જે કોરોનાને ફેલાતો રોકવામાં સક્ષમ છે.

CNN રિપોર્ટ પ્રમાણે, આ પરીક્ષણ દરમિયાન સુપર કોમ્પ્યુટર સમિટે હજારો પરીક્ષણ કર્યા. જેમાં તેણ 77થી વધુ એવા રસાયણોની ઓળખ કરી, જે કોરોના વાઈરસને પ્રસરતો રોકવા માટે સક્ષમ છે. આ શોધ બાદ હવે કોરોનાની સૌથી વધુ પ્રભાવી વૈક્સીનનો માર્ગ મોકળો થતો જોવામાં આવી રહ્યો છે. આ પ્રયોક ઓક રિઝ નેશનલ લેબોરેટરીમાં કરવામાં આવ્યો છે.