ગુજરાતનો હીરા પરિવાર સાધુ બનશે Trishul News

Gujarat diamond family to become monk: ગુજરાતના એક હીરાના વેપારી અને તેની પત્નીએ સાધુનું જીવન જીવવા માટે તેમની કરોડોની સંપત્તિ અને વૈભવી જીવનનો ત્યાગ કરી દીધો છે. તે જ સમયે, 12 વર્ષ પહેલા તેમના પુત્ર અને પુત્રીએ પણ આવી જ જિંદગીને અપનાવી હતી. ઉલ્લેખનીય છે કે, ગુજરાતના આ હીરા વેપારી અને(Gujarat diamond family to become monk) તેમની પત્ની દર વર્ષે 15 કરોડ રૂપિયા કમાતા હતા.

ગુજરાતના સૌથી સફળ હીરાના વેપારીઓમાંના એક દિપેશ શાહ પાસે કરોડોની સંપત્તિ છે અને તેઓ ખૂબ જ વૈભવી જીવન જીવતા હતા. જો કે, હવે આ ઉદ્યોગપતિ અને તેની પત્નીએ પોતાનો વ્યવસાય સમેટીને તપસ્વી જીવન જીવવાનું નક્કી કર્યું છે, જેના માટે તેઓ તેમની વિશાળ સંપત્તિનો ત્યાગ કરશે.

પુત્ર અને પુત્રીએ પણ સંન્યાસી જીવન પસંદ કર્યું
થોડા સમય પહેલા, વેપારીના પુત્ર ભાગ્યરત્ન અને તેની પુત્રીએ સંત જીવન જીવવાનું અપનાવાનું નક્કી કર્યું અને વિશાળ સંપત્તિનો ત્યાગ કર્યો. હવે તેના માતા-પિતા દિપેશ અને પ્રિયંકા એ પણ આવું જ જીવન પસંદ કર્યું છે. શાહના પુત્રએ દીક્ષા સમારોહ દરમિયાન ફેરારીમાં સવારી કરી હતી, જ્યારે તેના માતા-પિતા જગુઆરમાં સવારી કરી હતા.

500 km સુધી પગયાત્રા કરવાનો લીધો નિર્ણય
તેમની ભૌતિક સંપત્તિ અને વૈભવી જીવનશૈલીનો ત્યાગ કરીને, આ દંપતીએ અન્ય સાધુઓ સાથે માઇલો ચાલીને તપસ્વી જીવન જીવવાનું નક્કી કર્યું છે. આવું જીવન જીવવાની તૈયારીમાં દિનેશ શાહ 350 કિમી ચાલી ચૂક્યા છે જ્યારે તેમની પત્ની પ્રિયંકાએ મહિલા સાધુઓ સાથે 500 કિમીનું અંતર કાપ્યું છે.

પૈસા કમાયા પછી પણ સુખ નથી!
ઈકોનોમિક ટાઈમ્સના અહેવાલ મુજબ દિપેશ શાહે કહ્યું કે જ્યારે મારી પુત્રીએ દીક્ષા લીધી ત્યારે અમે પણ એક દિવસ તેના માર્ગ પર ચાલવાની ઈચ્છા વ્યક્ત કરી હતી. મેં સંપત્તિ અને સફળતા મેળવી, પરંતુ અંતિમ શાંતિ અને સુખની શોધ ક્યારેય સમાપ્ત થઈ નહીં. જણાવી દઈએ કે દિપેશના પિતા પ્રવીણ ગોળ અને ખાંડનો બિઝનેસ કરતા હતા. જૈન સાધુઓની નજીક રહેવા માટે તેમણે સુરત જવાનું નક્કી કર્યું.