BREAKING NEWS: દિવાળીને ધ્યાનમાં લઈ સરકારે જાહેર કર્યું જાહેરનામું, જાણો શું ખુલ્લું અને શું રહેશે બંધ?

ગુજરાત: દિવાળીના તહેવારો (Diwali festivals) પાસે આવતાની સાથે જ રાજ્ય સરકાર દ્વારા (State Government) ખુબ જ અગત્યનો નિર્ણય લેવામાં આવ્યો છે. સમગ્ર રાજ્યમાં દિવાળીના તહેવારોને લઇ જાહેરનામું બહાર પાડી દેવામાં આવ્યું છે. 8 મનપામાં રાત્રી કર્ફ્યુમાં ઘટાડો, રાત્રે 12 વગ્યા સુધી દુકાનો ખુલ્લી રાખી શકાશે. 30 નવેમ્બર સુધી જાહેરનામું લાગુ રહેશે. જયારે સિનેમાહોલ 100% ક્ષમતા સાથે ખુલશે.

ગુજરાતના 8 મહાનગરોમાં તારીખ 30-10-2021થી લઈને તારીખ 30-11-2021 સુધી દરરોજ રાત્રીના 01.00 કલાકથી સવારના 5.00 કલાક સુધી રાત્રિ કર્ફ્યુ અમલમાં મુકી દેવામાં આવ્યું છે. રાજ્યના 8 મહાનગરમાં રાત્રે ચાલી રહેલ કર્ફ્યૂમાં મોટી રાહત અપાઈ છે.

દિવાળી તહેવારોને ધ્યાનમાં રાખીને સરકાર દ્વારા 8 મનપામાં કર્ફ્યુમાં ઘટાડો કરી દેવામાં આવ્યો છે. હવે રાત્રે 12.00 વાગ્યા સુધી દુકાનો ખુલ્લી રાખી શકાશે કે, જે પહેલા તહેવાર ટાણે ખુલ્લી રાખી શકાતી હતી. આની સાથે જ નૂતન વર્ષના સ્નેહમિલન કાર્યક્રમોને પણ પરવાનગી આપી દેવાઈ છે કે, જેથી બેસતા વર્ષ દરમિયાન 400 લોકો સુધી સ્નેહમિલન કાર્યક્રમો યોજી શકશે.

આની સાથે જ સિનેમા હોલને લઈ અગત્યનો નિર્ણય લેવામાં આવ્યો છે. પહેલા 50% ક્ષમતા સાથે ચાલતા સિનેમા ઘરો હવે 100% ક્ષમતા સાથે ખોલી શકાશે. ખુબ લાંબા સમય પછી સ્પા સેન્ટર ખોલવાની મંજૂરી આપવામાં આવી છે. સવારે 9 થી લઈને રાત્રે 9 વાગ્યા સુધી સ્પા સેન્ટર ખુલ્લા રાખી શકાશે.