પોતાનાએ જ ન આપ્યો સાથ! પરિવારમાં 12 સભ્યો છતાં પણ મળ્યો એક જ મત- જાણો ક્યાં બન્યું આવું?

ગુજરાત(Gujarat): આજ રોજ રાજ્યની ગ્રામ પંચાયતની ચુંટણીનું પરિણામ(Gram Panchayat Election Results) આવ્યો છે. જેમાં ગામડે ગામડે સરપંચની જીત થઇ છે કેટલાય ઉમેદવારની હાર થઇ છે. ત્યારે આ ચુંટણી દરમિયાન કેટલીક જગ્યાએ માત્ર એક વોટથી જ હાર રીતનો ફેંસલો થતો હોય છે. તો કેટલીક જગ્યાએ ઉમેદવારોને નહીંવત મત મળી રહ્યા છે. આથી નહીંવત મત મેળવતા ઉમેદવારો પણ ચર્ચાનો વિષય બન્યો છે.

ઉમેદવારને ફક્ત 1 જ મત મળ્યો:
ત્યારે વાપી(Vapi) તાલુકાની છરવાળા ગ્રામ પંચાયતના વોર્ડ નંબર 5માં સભ્યપદ તરીકે ઉભા રહેલા એક ઉમેદવારને ફક્ત 1 જ મત મળ્યો છે. 12 સભ્યોના પરિવાર ધરાવતા આ ઉમેદવારોને ફક્ત એક જ મત મળતાં ઉમેદવાર છરવાળા ગ્રામ પંચાયતની ચૂંટણીમાં વોર્ડ નંબર 5નું પરિણામ ચર્ચાનો વિષય બન્યું હતું.

પરિવારમાં 12 સભ્યો છતાં પણ મળ્યો એક જ મત:
છરવાળા ગ્રામ પંચાયતના વોર્ડ નંબર 5 માં સભ્ય તરીકે સંતોષભાઈ હળપતિ નામના ઉમેદવારે ઉમેદવારી નોંધાવી હતી. સંતોષભાઈના પરિવારમાં 12 મતદાર સભ્યો છે. તેમ છતાં તેમણે મતપેટીમાંથી નીકળેલા મતમાં માત્ર એક જ મત મળ્યો છે. આમ પોતાના એક મત મળતાં તેમણે ખુબ જ અફસોસ થયો હતો.

ગ્રામ પંચાયતની ચૂંટણીમાં સરેરાશ 78.30 ટકા જેટલું મતદાન થયું હતું. અત્રે ઉલ્લેખનીય છે કે, રાજ્યની 1165 ગ્રામ પંચાયતો અને 9613 વોર્ડમાં ઉમેદવારો બિનહરિફ જાહેર થયા છે. રાજ્યમાં આ પ્રકારના પંચાયતી રાજને સમરસ પંચાયત કહેવામાં આવે છે. ગ્રામ પંચાયતની ચૂંટણી દરમિયાન દરેક મતદાતાઓને બે મત આપવાના હોય છે.