સુરત કરશે દુશ્મનને ધ્વસ્ત- INS Surat જહાજ નૌસેનામાં શામેલ થઈને કરશે દુશ્મનના દાંત ખાટા, જાણો કેવા ઘાતક હથિયારોથી સજ્જ કરાયું

સુરત(Surat): ઇન્ડિયન નેવીના(Indian Navy) ભવ્ય ઇતિહાસ સાથે સૂર્યપુત્રી તાપી નદીના (Tapi River) કિનારે વસેલું શહેર સુરતનું (Surat) નામ પણ બાકાત નથી રહેતું. સુરતનું ગૌરવ વધારતા અહેવાલો જણાવી રહ્યા છે કે, રક્ષા મંત્રી રાજનાથ સિંહ 17 ​​મેના રોજ ભારતીય નૌસેનાના બે ફ્રન્ટલાઈન યુદ્ધ જહાજોને લોન્ચ કરશે. આ યુદ્ધ જહાજો ‘સુરત’ અને ‘ઉદયગીરી’ છે. સુરત એ 15B ડિસ્ટ્રોયર પ્રોજેક્ટનું યુદ્ધ જહાજ છે અને ઉદયગીરી એ 17A ફ્રિગેટ પ્રોજેક્ટનું યુદ્ધ જહાજ છે. ભારતીય નૌસેનાના એક અધિકારીએ જણાવ્યું હતું કે દેશ સ્વદેશી યુદ્ધ જહાજના નિર્માણના ઇતિહાસમાં એક ઐતિહાસિક ઘટનાનો સાક્ષી બનશે જ્યારે ભારતીય નૌકાદળના બે ફ્રન્ટલાઈન યુદ્ધ જહાજો 17 મેના રોજ મુંબઈમાં મઝાગોન ડક્સ લિમિટેડ ખાતે એક સાથે લોન્ચ કરવામાં આવશે.

ભારતના સૌરક્ષણ મંત્રાલય દ્વારા 7400 ટન વજન ધરાવતા ચોથાયુદ્ધ જહાજનું નામકરણ INS Surat રાખવાની જાહેરાત કરવામાં આવી છે. પ્રોજેકટ 15-B હેઠળ 17 મેના રોજ મુંબઈના મઝગાવ ડોકયાર્ડ ખાતે INS Surat નું લોન્ચિંગ કરવામાં આવશે. INS Surat પહેલા 3 યુદ્ધ જહાજના નામ INS વિશાખાપટ્ટનમ (આંધ્રપ્રદેશ), INS પારાદીપ (ઓડિશા) અને INS ઇમફાલ (મણિપુર) રાખવામાં આવ્યા છે.

શહેરોના નામ પરથી યુદ્ધ જહાજો:
અમે તમને જણાવી દઈએ કે સુરત પ્રોજેક્ટ 15B ડિસ્ટ્રોયરનું ચોથું જહાજ છે, જે P15O ડિસ્ટ્રોયર્સનું નોંધપાત્ર નવનિર્માણ છે. પ્રોજેક્ટ 15B ડિસ્ટ્રોયર ક્લાસના જહાજો ભારતીય નૌસેનાના નેક્સ્ટ જનરેશનના સ્ટીલ્થ ગાઈડેડ મિસાઈલ ડિસ્ટ્રોયર છે જે મુંબઈમાં મઝાગોન ડોક લિમિટેડ ખાતે બનાવવામાં આવી રહ્યા છે.

અધિકારી દ્વારા આપવામાં આવેલી માહિતી મુજબ, ‘સુરત’ એ પ્રોજેક્ટ 15B ડિસ્ટ્રોયરનું ચોથું જહાજ છે, જે P15A ડિસ્ટ્રોયરના નોંધપાત્ર ઓવરઓલની શરૂઆત કરે છે. યુદ્ધ જહાજોનું નામ ગુજરાતની વ્યાપારી રાજધાની અને મુંબઈ પછી પશ્ચિમ ભારતમાં બીજા સૌથી મોટા વ્યાપારી કેન્દ્રના નામ પરથી રાખવામાં આવ્યું છે.