દિવાળી પહેલા ગુજરાતના આ શહેરમાંથી પકડાયો લાખોનો ઈંગ્લીશ દારૂ

ગુજરાતમાં અવાર-નવાર દારૂની રેલમછેલ થઈ રહે છે. ત્યારે આજે ફરી એક વખત ભાવનગરમાં શીવાજી સર્કલ નવી શાકમાર્કેટ શોપીંગ સેન્ટરની પાછળ ખુલ્લી જગ્યા માંથી ભારતીય બનાવટનો પરપ્રાંત ઇગ્લીશ દારૂની બોટલો મળી આવી છે. ઈંગ્લીશ દારૂની 180 નંગ બોટલ કિમત રૂપિયા 54000 સાથે કુલ 1,44,000 રૂપિયાનો મુદામાલ સાથે ભાવનગર લોકલ ક્રાઇમ બ્રાન્ચે આરોપીની ધરપકડ કરી છે.

ભાવનગર રેન્જ ભાવનગરના નાયબ પોલીસ મહાનિરીક્ષક શ્રી અશોક કુમાર યાદવ સાહેબની સુચના અને માર્ગ દર્શન હેઠળ ભાવનગર જીલ્લા પોલીસ અધિક્ષક શ્રી જયપાલસિંહ રાઠોડ સાહેબે ભાવનગર લોકલ ક્રાઇમ બ્રાન્ચ પોલીસ સ્ટાફના માણસોને આગામી દિવાળી તહેવાર નિમીતે ભાવનગર શહેર તથા ગ્રામ્ય વિસ્તારમાં કાયદો અને વ્યવસ્થા જાળવવા સારૂ સખ્ત પેટ્રોલીંગની ફરી દારૂ અને જુગાર તથા ઘરફોડ ચોરીઓ ડીટેકટ કરવા તેમજ ગુન્હામાં નાસ્તા ફરતા આરોપીઓ પકડી લેવા સૂચનો અપાયા હતા.

ભાવનગર લોકલ ક્રાઇમ બ્રાન્ચ ટીમ ભાવનગર સીટી વિસ્તારમાં નાઇટ પેટ્રોલીંગમાં હતી. તે દરમ્યાન ઘોઘા સર્કલ પાસે આવતા હેડ કોન્સ જીતેન્દ્રસિંહ ઝાલા ને બાતમીરાહે હકિકત મળેલ કે હરપાલ સિંહ ઉર્ફે હરુ મહીપતસિંહ ગોહીલ રહે.શીવાજી સર્કલ ભાવનગર વાળો શીવાજી સર્કલ નવી શાકમાર્કેટ શોપીંગ સેન્ટરની પાછળ ભારતીય બનાવટ નો દારૂનો જથ્થો ઉતારે છે. અને તે દારૂનો જથ્થો સગે-વગે કરવાની પેરવીમાં છે.