ગુજરાત સરકારના મંત્રી Balvantsinh Rajput હજીરાની AM/NS ઈન્ડિયા એકેડમીની મુલાકાતે- જાણો શું કહ્યું?

ગુજરાત(Gujarat): રાજ્યના ઈન્ડસ્ટ્રિઝ, રૂરલ ડેવલોપમેન્ટ, સિવિલ એવિએશન, શ્રમ અને રોજગાર મંત્રી બળવંતસિંહ રાજપૂત(Balvantsinh Rajput) તારીખ 7 જાન્યુઆરીને શનિવારના રોજ સુરત(Surat)માં હજીરા(Hazira) ખાતે આવેલા આર્સેલરમિત્તલ નિપ્પોન સ્ટીલ ઈન્ડિયા (AM/NS)ના એકેડમી ફોર સ્કિલ ડેવલપમેન્ટ(Academy for Skill Development)ની મુલાકાતે આવ્યા હતા.

જણાવી દઈએ કે, આ એકેડમી એન્જીનિયરને થિયોરેટિકલ અને પ્રેક્ટિકલ ટ્રેનિંગ આપવામાં આવે છે અને તેમની કુશળતા વધારવામાં સહાય કરવામાં આવે છે. ગુજરાત સરકારની પહેલ કૌશલ્ય-ધ સ્કિલ યુનિવર્સિટી સાથે એકેડેમી દ્વારા ભાગીદારી કરી બેચલર્સ ડીગ્રી ઈન સ્ટીલ ટેકનોલોજી, બેચલર્સ ડિગ્રી ઈન રિન્યુએબલ એનર્જી અને પોસ્ટ ગ્રેજ્યુએટ ડિપ્લોમા ઇન સ્ટીલ ટેકનોલોજી ત્રણ સંકલિત અભ્યાસક્રમો ઓફર કરવામાં આવે છે.

એએમ/એનએસ ઈન્ડિયાના હ્યૂમન રિસોર્સ ઑપરેશન્સ, આઈઆર અને એડમિનિસ્ટ્રેશન વિભાગના હેડ ડૉ. અનિલ મટૂએ જણાવતા કહ્યું છે કે, રાજ્યના શ્રમ અને રોજગાર મંત્રી બળવંતસિંહ રાજપૂતને એએમ/એનએસના એકેડમી ફોર સ્કિલ ડેવલપમેન્ટ ખાતે આમંત્રિત કરતાં અમને ખુબ જ આનંદ થયો છે.