હવે માસ્ક નહી પહેરો તો થશે હજારોનો દંડ- જાણો કોણે નક્કી કરી આકરી રકમ

અમદાવાદ મહાનગરપાલિકાએ નિર્ણય કર્યો છે કે ૧લી મેથી જો કોઈ દુકાનદાર કે દુકાનનો કર્મચારી વગર માસ્ક પહેરીએ મળી આવશે તો તેના પર દંડ લગાડવામાં આવશે. દંડની રકમ ૨ હજાર રૂપિયાથી ૫૦૦૦૦ રૂપિયા વચ્ચે હશે. સાથે જ મોલ કે સ્ટોર નું લાયસન્સ પણ ત્રણ મહિના માટે રદ કરવામાં આવશે.

અમદાવાદના કમિશનર વિજય નેહરાનું કહેવું છે કે કોરોનાવાયરસને રોકવા માટે આ આદેશ જાહેર કરવામાં આવ્યો છે કે મોલ, દુકાન કે ત્યાં કામ કરનાર કર્મચારીઓને માસ્ક પહેરવું ફરજિયાત છે. તેમજ અમદાવાદ કોર્પોરેશન લારીઓ ઉપર સામાન વેચતા વિક્રેતાઓને મફતમાં માસ્ક અને સેનેટાઈઝર આપશે.તેમ છતાં જો કોઈ લારીવાળો તેનો ઉપયોગ નહીં કરે તો તેમના પર દંડ લગાડવામાં આવશે.તેમજ નાગરિકો દ્વારા માણસ ન પહેરવાથી દંડ ૧ હજાર રૂપિયાથી 5000 રૂપિયા સુધી હશે.

જો કોઈ રોડ પર વિક્રેતા વગર માસ્ક મળી આવશેતો તેના પર 2000નો દંડ લગાડવામાં આવશે અને તેનું લાયસન્સ બે મહિના સુધી રદ કરવામાં આવશે.નહેરાએ કહ્યું કે જો સુપરમાર્કેટના કર્મચારી કે સિક્યુરિટી ગાર્ડ વગર માસ્કે પકડાઈ જશે તો સુપરમાર્કેટ મોલને 50 હજાર રૂપિયાનો દંડ લગાડવામાં આવશે.