જુઓ કેવી રીતે માલિકને બચાવવા બદમાશો પર તૂટી પડ્યો પાલતું શ્વાન- જીવ બચાવીને ભાગ્યા ગુંડાઓ…

ગ્વાલિયરમાં એક કૂતરાએ કમાલ કરી બતાવી હતી. પહેલેથી જ કુતરા તેની નિષ્ઠા અને વફાદારી માટે જાણીતા છે. આ કૂતરાએ પણ આ વાત સાબિત કરી બતાવી છે. કેટલાક બદમાશો તેના માલિકનું અપહરણ કરવા આવ્યા હતા. પરંતુ કૂતરાની બહાદુરીના કારણે બદમાશો પોતાનો જીવ બચાવીને ભાગી ગયા હતા અને માલિકનો આબાદ બચાવ થયો હતો.

કહેવાય છે કે ખરાબ સમયમાં કોઈ સાથ આપતું નથી. પરંતુ આજના યુગમાં પણ કૂતરાઓ પોતાના માલિક પ્રત્યે વફાદારી દાખવી રહ્યા છે. આવી જ એક ઘટના ગ્વાલિયરમાં બની હતી. અહીં એક કૂતરાએ ન માત્ર તેના માસ્ટરનું અપહરણ થતાં બચાવ્યું, પરંતુ બદમાશોને સામેના પગે ભાગવા માટે મજબૂર પણ કર્યો. આ ઘટનાના CCTV સામે આવ્યા છે. યુવકનું અપહરણ કરવા આવેલા લોકો સાથે આ કૂતરાએ ઘર્ષણ થયું હતું.

દિન-દહાડે ગુંડાગીરી
ગ્વાલિયરના થાટીપુર પોલીસ સ્ટેશનની અશોક કોલોનીમાં રહેતો નીતિન શાક્ય તેના ઘરે હતો. તે જ સમયે વાનમાં ચાર-પાંચ બદમાશો તેના ઘરે આવ્યા હતા. બદમાશોએ નીતિનને બહાર બોલાવીને માર મારવાનું શરૂ કર્યું. તેઓ નીતિનને ધક્કો મારીને કારમાં બેસાડવાનો પ્રયાસ કરી રહ્યા હતા. તેઓએ નીતિનને પકડીને બેફામ માર માર્યો હતો. ગુંડાઓના આ કૃત્યને કારણે અશોક કોલોનીમાં અફરાતફરી મચી ગઈ હતી.

જ્યારે લોકો એ ન બચાવ્યા ત્યારે કૂતરાએ બતાવી બહાદુરી 
હુમલાખોરો નીતિનને વાનમાં બેસાડવાનો પ્રયાસ કરી રહ્યા હતા ત્યારે આસપાસ 100થી વધુ લોકો એકઠા થઈ ગયા હતા. પરંતુ કોઈએ યુવકને બચાવવાનો પ્રયાસ કર્યો ન હતો. તેમજ કોઈએ પોલીસને જાણ કરી ન હતી. પરંતુ નીતિનના ઘરમાં હાજર પાળેલા કૂતરાએ હુમલાખોરો સાથે અથડામણ કરી હતી. જ્યારે તેણે અજાણ્યા લોકોને તેના માસ્ટર પર હુમલો કરતા જોયા ત્યારે તે બેકાબૂ બની ગયો. તે બદમાશો પર ભસ્યો. મદદની આશામાં સૌપ્રથમ અહીયા-ત્યાં દોડીને મદદની ઉમ્મીદ લગાવી, જ્યારે નીતિનને બચાવવા કોઈ ન આવ્યું ત્યારે કૂતરાએ પુરી તાકાતથી બદમાશો પર હુમલો કર્યો. કુતરાના હુમલાથી બદમાશો ગભરાઈ ગયા હતા અને પોતાનો જીવ બચાવીને નીતિનને ત્યાં જ છોડીને ભાગી ગયા હતા.