કતારગામની ઉમિયા ડેરીમાં આરોગ્ય વિભાગના દરોડા- રિપોર્ટ ન આવે ત્યાં સુધી ઘી કે માવાનું વેચાણ નહીં કરવા આદેશ

સુરત(Surat): શહેરના કતારગામ(Katargam) વિસ્તારમાં આવેલી ઉમિયા ડેરી(Umiya Dairy) પર ફૂડ વિભાગ દ્વારા ચેકિંગ(Food department checking) હાથ ધરવામાં આવ્યું હતું. ઉમિયા ડેરી ના માલિક દ્વારા ભેળસેળ વાળું ઘી વેચવામાં આવતું હોવાની વારંવાર ફરિયાદો મળતાં મહાનગર પાલિકાના ફૂડ વિભાગ દ્વારા કાર્યવાહી કરવામાં આવી હતી.

ડેરીમાં વેચાણ અર્થે રખાયેલા ઘી તેમજ માવાના સેમ્પલ લેવામાં આવ્યા છે.  આરોગ્ય વિભાગની ટીમ દ્વારા ડેરીમાં વેચાતા પદાર્થોના સેમ્પલિંગ લેવાની શરૂઆત કરતા આજુબાજુની ડેરી સંચાલકો અને મીઠાઈની દુકાનદારોમાં ફફડાટનો માહોલ ફેલાઈ જવા પામ્યો છે.

ડેરીમાં રખાયેલા 113 કિલો ઘી તેમજ 13 કિલો માવાના જથ્થા ને સિઝ કરવામાં આવ્યો. જ્યાં સુધી લેબોરેટરી રિપોર્ટ ના આવે ત્યાર સુધી આ જથ્થામાથી ઘી નું કે માવાનું વેચાણ નહીં કરવા માટે જણાવવામાં આવ્યું છે.