હીરામંડી’નું ધમાકેદાર ટ્રેલર રિલીઝ: 14 વર્ષ પછી કમ બેક કરી રહેલા ફરદીન ખાનનો જોવા મળ્યો શાહી અંદાજ, આ તારીખે OTT પર થશે સ્ટ્રીમ

Heeramandi Trailer: હીરામંડીનું ટ્રેલર આજે રિલીઝ કરવામાં આવ્યું હતું. ટ્રેલર રિલીઝ થતાની સાથે જ સિનેપ્રેમીઓના હોશ ઉડી ગયા. તેની સ્ટાર કાસ્ટ ઈમોશનલ થતી જોવા મળી હતી.ફરદીન ખાન અને મનીષા કોઈરાલાએ ટ્રેલર લોન્ચ ઈવેન્ટમાં પોતાની લાગણી વ્યક્ત કરી હતી. કલાકારોએ(Heeramandi Trailer) જણાવ્યું કે આ ક્ષણ તેમના માટે કેવી ભાવુક હતી. તે ઘણા સમયથી આ ક્ષણની રાહ જોઈ રહ્યા હતા.

મનીષાએ 28 વર્ષ રાહ જોઈ
મનીષા કોઈરાલાએ હીરામંડીમાં મલ્લિકા જાનનું પાત્ર ભજવ્યું છે. ટ્રેલર લૉન્ચ ઇવેન્ટ દરમિયાન, તેણીએ જણાવ્યું કે તે સંજય લીલા ભણસાલી સાથે કામ કરવા માટે કેટલી ઉત્સુક હતી. તેણે 28 વર્ષથી આ ક્ષણની રાહ જોઈ હતી, જે હવે પૂરી થઈ ગઈ છે. મનીષાએ ભણસાલી સાથે 1996માં ફિલ્મ ખામોશીમાં કામ કર્યું હતું. મનીષાએ ફરી સંજય લીલા ભણસાલી સાથે હીરામંડીમાં કામ કરવા વિશે ખુલાસો કર્યો.

મનીષાએ કહ્યું- મેં 28 વર્ષથી સંજયના કોલની રાહ જોઈ છે અને આ મારા માટે ખૂબ જ ખુશીની વાત છે. આવા જિનિયસ સાથે કામ કરવું એ સન્માનની વાત છે. અમે આ (હીરામંડી) ઘણી મહેનત, પ્રેમ અને સ્નેહથી બનાવી છે. હું આશા રાખું છું કે તમને તે ગમશે. અમે આ પહેલીવાર જોયું છે.

ફરદીન ખાન થયા ભાવુક
ફરદીન ખાન 14 વર્ષ પછી હીરામંડી સાથે ઈન્ડસ્ટ્રીમાં કમબેક કરી રહ્યો છે. આ સમયગાળા દરમિયાન અભિનેતાએ વ્યક્તિગત અને વ્યવસાયિક રીતે ઘણા ઉતાર-ચઢાવમાંથી પસાર થવું પડ્યું છે. તે તેના પુનરાગમનને લઈને ઘણો ભાવુક દેખાઈ રહ્યો હતો. ફરદીને સિરીઝમાં વલી મોહમ્મદનું પાત્ર ભજવ્યું છે.