સુરતમાં અસામાજિક તત્વો નો આતંક: તીક્ષ્ણ હતીયાર સાથે લોખંડના પાઇપ લઈ તત્વોએ કરી ગાડીઓની તોડફોડ- જુઓ live વિડીયો

સુરત(ગુજરાત): આજકાલ સુરતમાં વધી રહેલા અસામાજિક તત્વોના આતંક દરમિયાન સુરત ઉધના વિસ્તારમાં અસામાજિક તત્વોનો આતંક યથાવત હોવાનું ફરી એકવાર CCTVમાં કેદ થયું છે. ચીખલી ગેંગ અને રાહુલ એપાર્ટમેન્ટની ગેંગ વચ્ચે ચાલી રહેલી વોરમાં આવાસના ગરીબ લોકોના વાહનોની તોડફોડ કરાતા લોકોમાં રોષ જોવા મળ્યો છે. એટલું જ નહીં પરંતુ સ્થાનિક લોકોએ ચીખલી ગેંગ દ્વારા વાહનોમાં તોડફોડ કરી હોવાનું પણ જણાવ્યું છે.

જાણવા મળ્યું છે કે, તેઓ વાજપાઈ આવાસના રહેવાસી છે. આ પહેલીવારનો નહિ બીજીવાર હુમલો છે. માથાભારે રાહુલ એપાર્ટમેન્ટના વિસ્તારમાં ઘૂસી ચીખલી ગેંગ વારંવાર હુમલાઓ કરી રહી છે તેમજ ગરીબ નિર્દોષ લોકોના વાહનોમાં તોડફોડ કરી રહી છે. એટલું જ નહીં પણ માથાભારે રાહુલ એપાર્ટમેન્ટ હાલ પેરોલ જમ્પ કરી ફરાર હોવાનું સામે આવ્યું છે. એવા સમયમાં ચીખલી ગેંગ રાત્રીના કરફ્યુના સમયમાં હુમલાઓ કરી છે.