May 17, 2024
ગૌતમ અદાણી(Gautam Adani): વિશ્વના અબજોપતિઓની યાદીમાં ગૌતમ અદાણીએ ફરી એકવાર ઉપરની તરફ જવાની શરૂઆત કરી છે. તેમની કંપનીઓના શેરમાં તીવ્ર વધારો થતાં તેમની સંપત્તિમાં વધારો નોંધાયો છે. દુનિયાના અમીરોની યાદી પર નજર કરીએ તો અદાણીનું નામ સૌથી ઉપર આવશે, જેમણે એક દિવસમાં ઘણી કમાણી કરી છે.
અદાણી 27માં નંબરે પહોંચી ગયા
હાલમાં જ વિશ્વના ટોચના 35 અબજપતિઓની યાદીમાંથી બહાર થઈ ગયેલા અદાણી હાલમાં 27મા ક્રમે છે. તેમની વર્તમાન નેટવર્થ ત્રણ દિવસમાં $31 બિલિયનથી વધીને $39.3 બિલિયન થઈ ગઈ છે. હાલમાં અદાણી ગ્રુપના તમામ શેર લીલા નિશાનમાં ટ્રેડ થઈ રહ્યા છે. સૌથી મોટો ઉછાળો અદાણી એન્ટરપ્રાઇઝના શેરમાં જોવા મળી રહ્યો છે, જે 12 ટકાથી વધુ ચઢ્યો છે.
તમામ કંપનીઓના શેરમાં લીલા નિશાન
છેલ્લા કેટલાક દિવસોથી હિંડનબર્ગ રિસર્ચ રિપોર્ટના કારણે જે કંપનીઓ ખોટ સહન કરી રહી હતી તેમના શેરમાં હવે પલટો જોવા મળી રહ્યો છે કારણ કે તે બધા ગ્રીન માર્કમાં ટ્રેડ થઈ રહ્યા છે.
અદાણી એન્ટરપ્રાઇઝિસ ઉપરાંત અદાણી ગ્રીન, અદાણી પાવર, અદાણી ટ્રાન્સમિશન અને એનડીટીવીના શેરમાં ચાર ટકાથી વધુનો વધારો જોવા મળી રહ્યો છે. અદાણી પોર્ટ્સ, ACC, અંબુજા સિમેન્ટ્સ, અદાણી ટોટલ ગેસ લિમિટેડ જેવી અન્ય અદાણી કંપનીઓના શેર પણ લીલા રંગમાં ટ્રેડ થઈ રહ્યા છે.
Trending News
અદાણી ટોટલ ગેસના શેરમાં વધારો
અદાણી ટોટલ ગેસના શેર જે તેની નીચલી સર્કિટમાં છેલ્લા 24 સેશનમાંથી 23માં બંધ થયા છે તે આખરે લીલા રંગમાં ટ્રેડ થઈ રહ્યા છે. અદાણી જૂથ વિરુદ્ધના અહેવાલો પછી તે સૌથી વધુ ફટકો પડતી કંપની હતી. બે દિવસ પહેલા સુધી 24 સેશનમાં તે 82.5 ટકા ઘટ્યો હતો. કેટલાંક સત્રો સુધી તેની નીચલી સર્કિટમાં બંધ રહ્યા બાદ આજે તે લીલા રંગમાં ટ્રેડ થઈ રહ્યો છે. આમાં ત્રણ ટકાથી વધુનો ઉછાળો જોવા મળ્યો હતો.
અમેરિકન રિસર્ચ ફર્મ હિંડનબર્ગના કારણે અદાણી જૂથને મોટો ઝટકો લાગ્યો છે. જો કે, અહેવાલમાં તેમના પર કરવામાં આવેલા દાવાઓને ફગાવીને, ગૌતમ અદાણીએ તેમના તમામ મુદ્દાઓ રાખ્યા, પરંતુ શેરોની ખરાબ સ્થિતિ ચાલુ રહી. જોકે હવે તેમાં થોડો સુધારો જોવા મળી રહ્યો છે. આ પાછળ અદાણી કંપનીએ પણ ઘણી મહેનત કરી છે.
તમને જણાવી દઈએ કે, કંપનીએ સિંગાપોર અને હોંગકોંગમાં રોડ શોનું આયોજન કર્યું હતું. ત્રણ દિવસ સુધી અદાણી ગ્રુપના અધિકારીઓએ રોકાણકારો સમક્ષ તેમની સ્થિતિ, તેમનું દેવું, તેમના રોકડ પ્રવાહની વિગતો શેર કરી હતી. કંપનીની આ પહેલની અસર શેર પર દેખાવા લાગી. છેલ્લા ત્રણ દિવસથી અદાણીના શેરમાં જબરદસ્ત રિકવરી જોવા મળી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
