‘બ્લેક ફંગસથી ડરીને અમે મરી રહ્યા છીએ’ કહીને પતિ-પત્નીએ કરી લીધી આત્મહત્યા- જાણો કયાની છે ઘટના

સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે. જયારે આવા સમયમાં કોરોનાની આડઅસરને કારણે એક નવો ગંભીર રોગ મ્યુકરમાઈકોસિસથી લોકો પીડાઈ રહ્યા છે. ત્યારે હવે લોકો બ્લેક ફંગસ અને વ્હાઈટ ફંગસના શિકાર બની રહ્યા છે. ત્યારે કર્ણાટકથી એક મોટા સમાચાર સામે આવી રહ્યા છે.

બ્લેક ફંગસના ડરથી કર્ણાટકમાં એક દંપતીએ આત્મહત્યા કરી લીધી છે. પતિ -પત્ની બંને કોરોના સંક્રમિત થયા હતા. તેની સ્યુસાઇડ નોટમાં પતિએ લખ્યું છે કે મારી પત્નીને ડાયાબિટીસ છે અને તેમણે જણાવતા કહ્યું છે કે, કોરોનાથી સંક્રમિત ડાયાબિટીસના દર્દીઓ પણ બ્લેક ફંગસના સંક્રમણમાં આવશે અને તે તેમના અંગો ગુમાવશે.

સુસાઈડ નોટમાં પતિએ કહ્યું કે, અમે માની લીધું છે કે, બ્લેક ફંગસને કારણે ઘણો ખર્ચ થશે અને તેથી અમે આત્મહત્યા કરી રહ્યા છીએ. મૃતકોની ઓળખ રમેશ (ઉ.વ.40) અને ગુના આર સુવર્ણા (ઉ.વ.35) તરીકે થઈ છે. બંને મેંગ્લોરના બૈકપાધ્માંયોના એક એપાર્ટમેન્ટમાં રહેતા હતા. રમેશની પત્ની ગુના સુવર્ણા ડાયાબિટીસથી પીડાતી હતી.

છેલ્લા એક સપ્તાહમાં બંનેમાં કોવિડ -19 સંક્રમણના લક્ષણો જોવા મળ્યા હતા. આત્મહત્યા પહેલા પતિ અને પત્નીએ શહેર પોલીસ કમિશનર એન શશીકુમારને ઓડિયો મેસેજ પણ મોકલ્યો હતો. આ ઓડિયો સંદેશમાં દંપતીએ કહ્યું કે, તેઓ બ્લેક ફંગસથી ડરે છે. તેથી તેઓએ આત્મહત્યા કરવાનું નક્કી કર્યું છે.