વેકસીનના બંને ડોઝ લેવા છતાં પણ એન્ટિબોડીઝમાં નથી થતો વધારો? ચોંકાવનારુ કારણ આવ્યુ સામે

ભારત(India)માં કોરોના(Corona)ની ત્રીજી લહેરના આગમનની અટકળો વચ્ચે રસીકરણ અભિયાન(Vaccination campaign) સતત આગળ વધી રહ્યું છે. લોકોની જાગૃતિમાં વધારા સાથે રસીકરણ અભિયાનમાં જબરદસ્ત વધારો થયો છે. દરમિયાન, કોરોના રસીના બંને ડોઝ લીધા પછી લોકોને તેમની એન્ટિબોડીઝ(Antibodies) વધી રહી છે કે તેનું પણ લોકો નિરીક્ષણ કરી રહ્યા છે.

આવું કેમ થયું તેના જવાબમાં નિષ્ણાતોનું કહેવું છે ,કે જો રસી હોવા છતાં કોઈના શરીરમાં એન્ટિબોડીઝ બનાવવામાં ન આવે તો તેનો અર્થ એ નથી કે રસી બિનઅસરકારક બની ગઈ છે. ખરેખર, રસીની અસર જાણવા માટે, એન્ટિબોડીઝનું પરીક્ષણ કરાવવું એ માત્ર એક રસ્તો છે. રસીની અસર જાણવા માટે અન્ય ઘણા પરીક્ષણો પણ કરી શકાય છે.

ડરવાની જરૂર નથી: નિષ્ણાત
તાજેતરમાં, નીતિ આયોગના સભ્ય ડો.વી.કે. પોલએ પણ નિષ્ણાતના દાવાની પુષ્ટિ કરી અને કહ્યું કે જો એન્ટિબોડીઝ ન બને તો તેનો અર્થ એ નથી કે રસી કામ કરી નથી. શરીરના કોષોની તપાસ કરીને પણ તેનો અંદાજ લગાવી શકાય છે. કારણ કે રસીકરણ પછી કોષોમાં રોગપ્રતિકારકતા આવે છે. એટલે કે, જ્યારે વાયરસ ફરીથી આવે છે, ત્યારે તે તેને ઓળખે છે અને તેમના સક્રિયકરણને કારણે, સંક્રમણ વધારે ફેલાતું નથી.

ભુવનેશ્વર સ્થિત ઇન્સ્ટિટ્યૂટ ઓફ લાઇફ સાયન્સ (ILS) એ કહ્યું છે કે ઓડિશામાં, કોવિડ -19 રસીના બંને ડોઝ મેળવનારા લગભગ 20% લોકો SARS-CoV2 સામે એન્ટિબોડીઝ વિકસાવી શક્યા નથી. સંસ્થાના જણાવ્યા અનુસાર, આ લોકોને વધુ બૂસ્ટર ડોઝની જરૂર પડી શકે છે. સંસ્થાના નિયામક ડો.અજય પરિદાએ કહ્યું કે, ‘ઓડિશામાં અત્યાર સુધી 61.32 લાખથી વધુ લોકોએ કોરોના રસીના બંને ડોઝ લીધા છે, આવા 10 લાખ લોકો ભુવનેશ્વરમાં છે. જો આમાં કોરોના સામે એન્ટિબોડીઝ બનાવવામાં ન આવે, તો બધાને બૂસ્ટર ડોઝની જરૂર પડી શકે છે.