“બાંગ્લાદેશ સામે ભારત જીતશે તો મારું નામ બદલીને નરેન્દ્ર મોદી રાખીશ…” – પાકિસ્તાની અભિનેત્રી સેહર શિનવારીનું ટ્વિટ વાઈરલ

T20 World Cup 2022(T20 વર્લ્ડ કપ): ભારત અને બાંગ્લાદેશ વચ્ચે T20 વર્લ્ડ કપ(T20 World Cup) 2022ની ખૂબ જ રોમાંચક મેચ જોવા મળી હતી. 2 નવેમ્બર, બુધવારના રોજ રમાયેલી આ મેચમાં ભારતે(India) જીત મેળવી હતી, પરંતુ બાંગ્લાદેશ(bangladesh) સામે ટક્કર મળી હતી. તેના ખેલાડીઓએ મેચના અંત સુધી હાર ન માની અને ક્રિકેટ પ્રેમીઓને યાદગાર મેચ જોવા મળી.

પાકિસ્તાની દર્શકોએ પણ આ મેચમાં ઘણો રસ લીધો હતો. મધ્યમાં એક તબક્કે એવી સ્થિતિ સર્જાઈ હતી, જ્યાંથી એવું લાગતું હતું કે ભારત મેચ હારી શકે છે. પરંતુ ત્યારબાદ વરસાદ પડ્યો અને બાંગ્લાદેશને 16 ઓવરમાં 151 રન બનાવવાનો ટાર્ગેટ મળ્યો. પ્રથમ બેટિંગ કરતા ભારતે 20 ઓવરમાં 184 રન બનાવ્યા હતા.

જો કે, એક સમયે જ્યારે મેચ ભારતના હાથમાંથી જતી જોવા મળી રહી હતી, તે સમયે ઘણા પાકિસ્તાની ચાહકો ઉજવણી કરી રહ્યા હતા. કોઈએ લખ્યું કે આ ‘કુદરતનો નિઝામ’ છે તો કોઈએ લખ્યું કે જો ભારત મેચ જીતશે તો તેઓ પોતાનું નામ બદલી દેશે.

સેહર શિનવારી નામની એક પાકિસ્તાની મહિલા, જે ટ્વિટર પર પોતાને એક અભિનેતા અને સામાજિક કાર્યકર્તા તરીકે વર્ણવે છે, તેણે લખ્યું, જો ભારત મેચ જીતશે તો હું મારું નામ બદલીને ‘નરેન્દ્ર મોદી’ કરી નાખીશ.