November 24, 2024
Traffic Signal Memo Fraud Call: સુરત શહેરમાં ટ્રાફિકથી લોકો ત્રસ્ત થયા હતા ત્યારે ટ્રાફિકની વ્યવસ્થા સુધારવા માટે ટ્રાફિક સિગ્નલ વ્યવસ્થાનું પાલન શહેરીજનો કરતા થયા છે.તેમજ જે લોકો યોગ્ય ટ્રાફિકના નિયમોનું પાલન ન કરે તે લોકોને દંડ ફટકારવવામાં આવે છે, ત્યારે કેટલાંક ચીટરોએ(Traffic Signal Memo Fraud Call) લોકોને મેમોનો ડર બતાવી ફોન કરી ઠગવાનું શરૂ કર્યું છે. આવો જ એક ફોન સુરતના એક નાગરિકને આવ્યો હતો, જેની ઓડિયો ક્લીપ વાયરલ થઈ છે.
ડર બતાવી ભોળી જનતાને ફસાવવાનો પ્રયાસ
સુરતની પ્રજા ટ્રાફિકના નિયમોનું યોગ્ય પાલન કરતી થઇ છે. પરંતુ કેટલાક લૂંટારાઓએ ભોળી પ્રજાને લૂંટવાની તક શોધી લીધી છે. સિગ્નલ બ્રેક કરનારાઓને પોલીસ દંડ ફટકારી રહી છે ત્યારે કેટલાંક ચીટરોએ લોકોને મેમોનો ડર બતાવી ફોન કરી ઠગવાનું શરૂ કર્યું છે. જેમાં સુરત શહેરમાં ટ્રાફિક સિગ્નલના નામે મોટું સ્કેમ શરૂ થઈ ગયું છે.જો તમારા પર પણ આવા કોઈ કોલ આવે તો ચેતી જજો અને તેવા લંપટ લોકોની વાતોમાં આવીને રૂપિયા ટ્રાન્સફર ન કરતા બાકી તમે પણ આવા સ્કૅમનો ભોગ બની શકો છો.
ઓડિયો કલીપ થઇ વાયરલ
જુઓ તમારી પર આ રીતે કોલ આવીને ઓડિયો ક્લિપમાં છે એ મુજબ તમને ફસાવવામાં આવશે. જેમાં સૌ પ્રથમ તો એવું કહેવવામાં આવશે કે, તમારા વાહન પર મેમો ઈશ્યુ થયા છે, તમે ઓનલાઈન દંડ ભરી દો તો લાયસન્સ કેન્સલ નહીં થશે તેવો ડર બતાવી ચીટરો લોકોને ડરાવી રહ્યાં છે. સુરતના એક નાગરિકને આવો ફોન આવ્યો હતો, જેમાં ફોન કરનાર ઠગે ઉમરા હીરાબાગ પોલીસ સ્ટેશનથી બોલું છું એવું કહ્યું હતું. અહીં જ સુરતના નાગરિકે ચીટરની લુચ્ચાઈ પકડી લીધી હતી.
Trending News
ચીટરનું મોયે…મોયે…
હીરાબાગ વિસ્તાર સુરતના વરાછામાં આવ્યો છે, જ્યારે ઉમરા વિસ્તાર અઠવાલાઈન્સ નજીક છે. આ બંને વિસ્તારો એકબીજાથી ઘણા દૂર છે. પરંતુ અન્ય રાજ્યમાંથી ફોન કરનારા આ સાયબર ફ્રોડને તે બાબતનો ખ્યાલ હોય નહીં. ચીટર સુરતના નાગરિકને મેમો ઓનલાઈન ભરી દો નહીં તો ઘરે મેમો આવશે, સમન્સ આવશે, લાયસન્સ કેન્સલ થશે, કોર્ટમાં જવું પડશે તેવી વાતો કરી ડરાવે છે, પરંતુ સુરતના નાગરિક ડરતા નથી અને કહે છે કે હું કોર્ટમાં જઈ મેમો ભરીશ. આખરે ચીટર ફોન કટ કરી દે છે.
આવા ઠગોથી સુરતની પ્રજાએ એલર્ટ રહેવું જોઈએ
આ મામલે સુરત ટ્રાફિક ડીસીપી અમિતા વાનાણીએ કહ્યું કે, સુરત શહેર ટ્રાફિક પોલીસ તરફથી વાહનચાલકોને કોઈ ફોન કરવામાં આવી રહ્યાં નથી. મેમો તેમના રજિસ્ટર્ડ એડ્રેસ પર મોકલવામાં આવે છે. તે પહેલાં કોઈ ઈન્ટીમેશન કોલ કરાતા નથી. આવા ઠગોથી સુરતની પ્રજાએ એલર્ટ રહેવું જોઈએ.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App