IIT-JEE મેન્સના પરિણામમાં ગુજરાતીઓએ વગાડ્યો ડંકો: 56 વિદ્યાર્થીઓને 100 પર્સેન્ટાઈલ મળ્યા…

JEE Main Result 2024: નેશનલ ટેસ્ટિંગ એજન્સીએ બુધવારે એન્જિનિયરિંગ પ્રવેશ માટેની JEE-Mains પરીક્ષાનું પરિણામ જાહેર કર્યું છે. જેમાં ગુજરાતના 2 વિદ્યાર્થીઓએ ડંકો વગાડ્યો છે.આ સિવાય આ પરિણામમાં 56 ઉમેદવારોએ 100 ટકા ગુણ મેળવ્યા છે. આમાંથી મોટાભાગના તેલંગાણાના હોવાનું કહેવાય છે. મહત્વની પરીક્ષાની બીજી આવૃત્તિ માટે 10 લાખથી વધુ ઉમેદવારોએ(JEE Main Result 2024) હાજરી આપી હતી. પરીક્ષામાં 100 ટકા ગુણ મેળવનારા વિદ્યાર્થીઓમાં 15 તેલંગાણાના, સાત આંધ્રપ્રદેશ અને મહારાષ્ટ્રના અને છ દિલ્હીના છે.

ગુજરાતના વિદ્યાર્થીઓએ ડંકો વગાડ્યો
JEE મેઇન્સનું પરિણામ જાહેર થયું છે . પરીક્ષાની પ્રથમ આવૃત્તિ જાન્યુઆરી-ફેબ્રુઆરીમાં લેવામાં આવી હતી જ્યારે બીજી આવૃત્તિ એપ્રિલમાં લેવામાં આવી હતી. JEE-મેઇન પરીક્ષા એક અને બેના પરિણામોના આધારે, ઉમેદવારોને JEE-એડવાન્સ પરીક્ષામાં બેસવા માટે શોર્ટલિસ્ટ કરવામાં આવે છે. JEE Advanced એ 23 અગ્રણી ઇન્ડિયન ઇન્સ્ટિટ્યૂટ ઑફ ટેક્નોલોજીમાં પ્રવેશ માટેની પરીક્ષા છે.

Declaration of the Result/NTA Scores for the Joint Entrance Examination [JEE (Main) – 2024] of Paper 1 (B.E. / https://t.co/iCRsualFpY.) pic.twitter.com/x9RgQOJ8EU

— National Testing Agency (@NTA_Exams) April 24, 2024

દેશભરમાંથી 10 લાખથી વધુ વિદ્યાર્થીઓએ આ પરીક્ષા આપી હતી
100 ગુણ મેળવનાર ગુજરાતના બે વિદ્યાર્થી છે. મિત પારેખ અને હર્ષલ કાનાણી રાજ્યમાં પ્રથમ નંબરે આવ્યા છે. દેશભરમાંથી 10 લાખથી વધુ વિદ્યાર્થીઓએ આ પરીક્ષા આપી હતી. JEE મેઈન્સમાં સારા ગુણ મેળવનાર વિદ્યાથીઓ JEE એડવાન્સની પરીક્ષા આપશે. IIT સહિતની સંસ્થાનોમાં પ્રવેશ માટે JEEની પરીક્ષા લેવાય છે.