June 17, 2024
છેલ્લા 15 દિવસથી રાજ્યમાં ભારેથી-અતિભારે વરસાદ પડી રહ્યો હતો પરંતુ હવે છેલ્લા 2 દિવસથી હવામાન વિભાગની આગાહી અનુસાર, વરસાદ ઓછો જોવા મળી રહ્યો છે. હાલમાં થોડાં દિવસથી અતિભારે વરસાદે વિરામ લઈ લીધો છે, ત્યારે હાલમાં ફરી એકવાર અતિભારે વરસાદને લઈને અંબાલાલ પટેલ અને હવામાન વિભાગ દ્વારા વધુ એક આગાહીનાં સમાચાર સામે આવી રહ્યાં છે.
વરસાદને લઈને ગુજરાત રાજ્ય માટે હાલમાં એક સારા સમાચાર સામે આવી રહ્યા છે. છેલ્લા ઘણાં દિવસથી મેઘરાજાએ સમગ્ર ગુજરાતમાં જળબંબાકાર કરીને વિકટ પરિસ્થિતિ ઉભી કરી દીધી છે. ગુજરાત રાજ્યમાં અત્યાર સુધીમાં કુલ 120 %થી પણ વધુ વરસાદ વરસી ચૂક્યો છે.
હવામાન વિભાગ દ્વારા આગાહી કરવામાં આવી છે કે, આગામી કુલ 24 કલાક ઉત્તર ગુજરાત તેમજ કચ્છમાં અતિભારે વરસાદ પડી શકે છે પરંતુ આગામી 24 કલાક બાદ સમગ્ર રાજ્ય પર કોઈ વરસાદી સિસ્ટમ સક્રિય થઈ નથી જેના કારણે રાજ્યમાં વરસાદ પડશે નહીં. હાલમાં રાજસ્થાન પર જે વરસાદી સિસ્ટમ સક્રિય થઈ હતી તે હવે પાકિસ્તાન બાજુ ફંટાઈ ગઈ છે. જેને લીધે આગામી કુલ 5 દિવસ અતિભારે વરસાદની કોઈ આગાહી રહેલી નથી.
હવામાન વિભાગનાં જણાવ્યા અનુસાર, રાજ્યમાં હજુ પણ ચોમાસાના કુલ 30 દિવસ બાકી રહ્યા છે તેમજ રાજ્યમાં અત્યાર સુધી કુલ 120 %થી પણ વધુ વરસાદ પડી ચૂક્યો છે. રાજ્યમાં ઘણાં મોટા જળાશયો, નદીઓ તથા તળાવો છલોછલ ભરાઈ ગયા છે ત્યારે હવે ‘જગતનો તાત’ એટલે કે ખેડૂત પણ ખમૈયા કરોની પોકાર લગાવી રહ્યો છે.
અત્યાર સુધી રાજ્યમાંભારેથી-અતિભારે વરસાદના કારણે ઘણાં ખેતરો અને રોડ-રસ્તાઓ પાણીમાં ગરકાવ થઈ ગયાં હતા. આ ઉપરાંત ખેતરોમાં ઉભા પાકો પણ નિષ્ફળ ગયા છે. અત્રે ઉલ્લેખનીય છે કે, રાજ્યમાં છેલ્લા ઘણાં દિવસથી મેઘરાજા વરસી રહ્યા છે. હાલમાં ગુજરાતમાં સાર્વત્રિક વરસાદ વરસી રહ્યો છે ત્યારે ફરીથી ઉત્તર ગુજરાત તથા કચ્છમાં અતિભારે વરસાદની હવામાન વિભાગે આગાહી કરી છે.
Trending News
આજ રોજ હવામાન વિભાગનાં જણાવ્યા અનુસાર, રાજસ્થાનમાં લો પ્રેસરને લીધે વરસાદી સિસ્ટમ સર્જાઈ છે, એના સિવાય અન્ય કોઈ વરસાદી સિસ્ટમ સક્રિય થઈ નથી. આ સિસ્ટમની અસરને કારણે ઉત્તર ગુજરાત તેમજ કચ્છમાં અતિભારે વરસાદની આગાહી હવામાન વિભાગ દ્વારા કરવામાં આવી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews