રૂપિયા 2000ની નોટને લઈને આવ્યા મોટા સમાચાર, 2 એપ્રિલથી નોટ…

2000 Rupee Note Exchange: ભારતીય રિઝર્વ બેંક (RBI) એ 2000 રૂપિયાની નોટને લઈને નવું અપડેટ આપ્યું છે. આરબીઆઈએ કહ્યું છે કે બેંકોમાં વાર્ષિક હિસાબ સંબંધિત કામને કારણે 1 એપ્રિલ, 2024 એટલે કે સોમવારથી 2000 રૂપિયાની બેંક નોટો બદલવા અથવા જમા કરાવવાની સુવિધા ઉપલબ્ધ રહેશે નહીં. રિઝર્વ બેંકે ગુરુવારે (2000 Rupee Note Exchange) એક નિવેદનમાં જણાવ્યું હતું કે આ સુવિધા બીજા દિવસે મંગળવારે મધ્યસ્થ બેંકની 19 પ્રાદેશિક કચેરીઓમાં પુનઃસ્થાપિત કરવામાં આવશે.

RBIએ જણાવ્યું હતું કે, “ખાતાઓને વાર્ષિક બંધ કરવા સંબંધિત કાર્યને કારણે, સોમવાર, એપ્રિલ 1, 2024 ના રોજ રિઝર્વ બેંક ઓફ ઈન્ડિયાની 19 પ્રાદેશિક કચેરીઓમાં રૂ. 2000ની બેંક નોટ એક્સચેન્જ/ડિપોઝીટ કરવાની સુવિધા ઉપલબ્ધ રહેશે નહીં.”

સેન્ટ્રલ બેંકે કહ્યું કે 29 ફેબ્રુઆરીના રોજ ટ્રેડિંગ કલાકના અંત સુધીમાં, 2000 રૂપિયાની ચલણી નોટોમાંથી લગભગ 97.62 ટકા બેંકિંગ સિસ્ટમમાં પાછી આવી છે અને માત્ર 8,470 કરોડ રૂપિયાની નોટો હજુ પણ લોકો પાસે છે.

2000ની નોટ ક્યાં દિવસે બદલાશે?
તમારી પાસે 2000  રૂપિયાની નોટ હશે તો તમને જણાવી દઈએ, તારીખ 2 એપ્રિલ 2024ને મંગળવારના રોજ 2000 રૂપિયાની નોટ તમે બદલી શકો છો. 2000ની નોટ બદલાવની સેવા તારીખ 02 એપ્રિલથી શરુ કરી દેવામાં આવશે.