જમ્મુ-કાશ્મીર, પૂંચમાં આતંકીઓએ સેનાના વાહન પર હુમલો કર્યો, 3 અઠવાડિયામાં બીજી વખત સુરક્ષાદળોને નિશાન બનાવાયા

Jammu and kashmir poonch terrorists attack: જમ્મુ-કાશ્મીરના પુંછ સેક્ટરમાં શુક્રવારે આતંકવાદીઓ દ્વારા ભારતીય સેનાના વાહન પર હુમલાની ઘટના સામે આવી છે. શુક્રવારે સાંજે પૂંચ જિલ્લાના ખાનેતર વિસ્તારમાં આતંકવાદીઓએ (Jammu and kashmir poonch terrorists attack) સેનાના વાહનો પર હુમલો કર્યો હતો. જે બાદ જવાનોએ જવાબી કાર્યવાહી કરવી પડી હતી. હજુ સુધી કોઈ ઈજા કે મૃત્યુના અહેવાલ નથી. હાલ ગોળીબાર ચાલુ છે. સેનાએ વિસ્તારને ખાલી કરાવ્યા બાદ સર્ચ ઓપરેશન હાથ ધર્યું છે. બીજી તરફ કેટલા આતંકવાદીઓ છુપાયેલા છે તે હજુ સ્પષ્ટ નથી.

અહેવાલો અનુસાર, પૂંચમાં રોડની નજીક સ્થિત એક પહાડી પરથી સેનાના વાહન પર બે રાઉન્ડ ફાયરિંગ કરવામાં આવ્યું હતું. આ ઘટનામાં સેનાના એક વરિષ્ઠ અધિકારીના વાહનને નુકસાન થયું હતું. રિપોર્ટ્સનું માનીએ તો, પીર પંજાલ રેન્જ હેઠળના રાજૌરી અને પુંછ સેક્ટર 2003થી આતંકવાદથી મુક્ત હતા, પરંતુ ઓક્ટોબર 2021થી અહીં ફરીથી મોટા હુમલાઓ શરૂ થઈ ગયા છે. છેલ્લા સાત મહિનામાં અહીં અધિકારીઓ અને કમાન્ડો સહિત 20 ભારતીય જવાનો શહીદ થયા છે. છેલ્લા બે વર્ષમાં આ વિસ્તારોમાં 35થી વધુ જવાનો શહીદ થયા છે.

At around 1800h today, a Security Forces convoy of vehicles was fired upon by suspected terrorists from a jungle near Krishna Ghati #Poonch sector. No casualties to own troops. Joint search
Operations by #IndianArmy and #JKP are in progress.@adgpi @NorthernComd_IA pic.twitter.com/jR0ytWRy88

— White Knight Corps (@Whiteknight_IA) January 12, 2024

3 અઠવાડિયામાં બીજો હુમલો
છેલ્લા ત્રણ સપ્તાહમાં આ વિસ્તારમાં સેના પર આ બીજો આતંકી હુમલો છે. આ પહેલા રાજૌરીના ડેરા ગલીમાં બે સૈન્ય વાહનો પર ઓચિંતા હુમલામાં ચાર જવાનો માર્યા ગયા હતા અને પાંચ અન્ય ઘાયલ થયા હતા. આજે સાંજે પ્રથમ હુમલાના સ્થળથી લગભગ 40 કિલોમીટર દૂર સેનાના વાહનો પર હુમલો થયો હતો.