ગુજરાતના આ શહેરમાં શિક્ષકે ગરબા રમતા વિદ્યાર્થીઓ પાસે લગાવડાવ્યા ‘યા હુસૈન’ ના નારા, વિડિયો થયો વાઇરલ

ગાંધીનગર(Gandhinagar): ગુજરાત(Gujarat)ના ખેડા જિલ્લામાં એક ગરબા કાર્યક્રમ દરમિયાન ‘યા હુસૈન’ ના નારા લગાવવામાં આવ્યા છે. આ આરોપમાં શાળાના ચાર શિક્ષકોને(Teachers) સસ્પેન્ડ કરવામાં આવ્યા. આ ઘટનાનો એક વીડિયો પણ સામે આવ્યો છે જેમાં બાળકો નારા લગાવતા સંભળાય છે. ગુજરાતના ખેડા(Kheda) જિલ્લાની હાથજ પ્રાથમિક શાળાના ચાર શિક્ષકોને સસ્પેન્ડ કરવામાં આવ્યા છે.

આ શિક્ષકો પર આરોપ છે કે તેમણે શુક્રવારે સ્કૂલ દ્વારા આયોજિત ગરબા કાર્યક્રમ દરમિયાન બાળકોને ‘યા હુસૈન’ના નારા લગાવવાનું કહ્યું હતું. આ અંગે તાત્કાલિક કાર્યવાહી કરીને જિલ્લા પ્રાથમિક શિક્ષણાધિકારીએ ચાર શિક્ષકોને સસ્પેન્ડ કર્યા છે. શાળાના વિદ્યાર્થીઓ અને અન્ય સ્ટાફની પૂછપરછ બાદ જ તેમની સામે કાર્યવાહી કરવામાં આવી છે.

Four teachers of Hathaj Primary School in #Gujarat‘s Kheda district were suspended after they allegedly forced school students to chant ‘Ya Hussain’ at a garba event organised on Friday. pic.twitter.com/AtJKG1DIl5

— IANS (@ians_india) October 2, 2022

શિક્ષકોએ બાળકો પાસે ‘યા હુસૈન’ના નારા બોલાવ્યા
આ ઘટનાનો એક વીડિયો પણ સામે આવ્યો છે. જેમાં બાળકો ‘યા હુસૈન’ના નારા લગાવતા જોવા મળે છે. વીડિયોમાં એવું પણ જોવા મળે છે કે સ્કૂલના વિદ્યાર્થીઓ અને છોકરીઓ ગરબા રમી રહ્યા છે અને ‘યા હુસૈન’ના નારા લગાવી રહ્યા છે. એક મિનિટથી પણ વધુ સમયના આ વીડિયોમાં બાળકો ‘યા હુસૈન’ ગાતા અને ગરબા કરતા જોવા મળે છે.