સુરતમાં શિક્ષકની લંપટ લીલાનો વીડિયો આવ્યો સામે- જુઓ કેવી રીતે ફૂટ્યો ભાંડો

સુરત(Surat): સચિન(Sachin)ની સનલાઇટ સ્કૂલ(Sunlight School)ના પ્રિન્સિપાલનું કોરોનાને કારણે મૃત્યુ થયા પછી જ્યારે તેમના પરિવારે સ્કૂલ મેનેજમેન્ટને પ્રિન્સિપાલનું લેપટોપ પાછું આપ્યું ત્યારે તેમાં રહેલા વીડિયો(Video) જોઈને ઇન્ચાર્જ પ્રિન્સિપાલ દંગ રહી ગયા હતા.

આ વાયરલ વીડિયોમાં તમે જોઈ શકો છો કે, એક શિક્ષક વિદ્યાર્થિનીની સાથે અડપલાં કરી રહ્યો છે. સ્કૂલ દ્વારા નિર્ણય લેવામાં આવ્યો છે કે, ભલે અમારી શાળાનું નામ જાહેર થાય પણ આવા શિક્ષક સામે જો પગલા લેવામાં ના આવે તો તે ફરીથી આવા કૃત્ય કરતો રહેશે એટલે શુક્રવારે ડીઇઓને આ ઘટના અંગે ફરિયાદ કરવામાં આવી છે.

મળતી માહિતી અનુસાર, રિસેશ સમય દરમિયાન ધોરણ-8ના ક્લાસ રૂમમાં CCTV કેમેરા ચાલુ હતા, જેમાં દેખાય રહ્યું છે કે, વિદ્યાર્થિની ક્લાસમાં એકલી બેઠી છે અને તેની બાજુમાં જઈને નિલેશ ભાલાણી બેસી જાય છે અને તેની સાથે અડપલાં કરવા લાગે છે, તેની સાથે ખરાબ ટચ કરે છે.