સુરતના વિદ્યાર્થીઓનો કમાલ: આ રીતે કોરોનાને ફેલાતો અટકાવી શકાશે

કોરોના મહામારીની ભારતમાં બીજી લહેર આવી ચુકી છે. કેટલાય લોકોએ પોતાના સ્વજનો ગુમાવ્યા છે. હવે થોડા જ સમયમાં 3જી લહેર આવવાની શક્યતા છે. એવામાં લોકોએ પોતાના સ્વાસ્થ્યનું ધ્યાન જાતે જ રાખવું પડશે. લોકોએ સરકારની ગાઇડલાઇન મુજબ માસ્ક પહેરવું પડશે તેમજ સોશ્યિલ ડિસ્ટન્સ જાળવવું પડશે.

એવામાં સુરતની સુટેક્ષ બેન્ક કોલેજમા અભ્યાસ કરતા 2 વિદ્યાર્થી પાર્થ ભંડેરી અને પાનમ ડોડીયા એ પોતાના પ્રોજેક્ટમાં કોવીડ સ્ક્રીનિંગ સિસ્ટમ તૈયાર કરી છે. આ સિસ્ટમ વ્યક્તિનું ઓટોમેટિક માસ્ક ચેક કરશે તેમજ વ્યક્તિના શરીરનું તાપમાન અને ઓક્સિજન લેવલ પણ માપશે.

પ્રોજેક્ટમાં અલગ અલગ હાર્ડવેર પાર્ટ્સનો ઉપયોગ કરવામાં આવ્યો છે તેમજ એન્ડ્રોઇડ એપ પણ બનાવવામાં આવી છે. માસ્ક ડિટેક્શન માટે મશીન લર્નિંગનો ઉપયોગ થયો છે. તાપમાન અને ઓક્સિજન લેવલ માપવા સેન્સરનો ઉપયોગ કરવામાં આવ્યો છે.

વ્યક્તિ પોતાનો QR કોડ સ્કેન કરશે, ત્યારબાદ કેમેરો જાતે જ વ્યક્તિની ઉંચાઈ પ્રમાણે માસ્ક ચેક કરશે. ત્યારબાદ ટેમ્પરેચર સેન્સર પર હાથ મૂકીને તાપમાન માપી શકાશે. અંતે ઓક્સિજન લેવલ માપશે. આ તમામ રિપોર્ટ જેતે વ્યક્તિને પોતાના મોબાઈલમા એપ પર દેખાશે.